Ғалымға тағзым
2011 жылғы Елбасымыздың Жарлығы бойнша бүгін, 12 сәуір Ғылым қызметкерлері күні. Осыған байланысты Халел Досмұхамедов атындағы Атырау мемлекеттік университетінің оқытушылары мен студенттері Қазақстанда ғылымның алғашқы негізін қалаушылардың бірі Қаныш Сәтпаев алаңына жиналып, ғалым аруғына тағзым етті.
Жиынды құттықтау сөзімен университеттің ғылыми істер жөніндегі проректоры Саламат Идрисов ашты.
«Мәңгілік Ел» ғылыми-зерттеу орталығының директоры Аққали Ахмет өз сөзінде Қаныш Имантайұлы жайлы тың деректермен бөлісті.
Шара барысында ғалымның атымен аталған №19 мектептің тарих пәні мұғалімі Айгерім Оңдасынова сөз сөйлеп, шәкірттері Дулат пен Жанерке Қаныш Сәтпаев туралы жыр шумақтарын оқыды.
Геолог поселкасындағы Қ.Сәтпаев атындағы орта мектептің 11 сынып оқушысы Айтолқын Салимова өз сөзінде осы мектепте оқитынын мақтаныш тұтатынын жеткізді.
Жиын соңында ғалым ескерткішіне гүл шоқтары қойылды.
АЛТЫНАЙ СӘЛІМГЕРЕЙҚЫЗЫ
ПІКІРЛЕР