Құрметті Атырау университетінің профессор-оқытушылар құрамы мен қызметкерлері!
Сіздерді 12 сәуір Қазақстан Республикасының ғылым саласының қызметкерлері күнімен шын жүректен құттықтаймын.
Бүгінде тәуелсіз еліміз өркендеудің жаңа сатысына көтеріліп, адами капитал - стратегиялық маңызды ресурстың біріне айналды. Елбасымыз Н.Ә. Назарбаев өзінің халыққа Жолдауында: «Бәсекеге қабілетті, дамыған мемлекет болу үшін біз жоғарғы білімді ұлт болуымыз керек» - деп отандық ғылым мен білімнің негізгі мақсатын айқын белгілеп берді. Елбасымыздың бастамасымен республикамыздағы ғылым саласында айтарлықтай өзгерістер орын алды. «Ғылым туралы» заң қабылданды, ғылымды басқарудың жаңа үлгісі мен қаржыландырудың жаңа тетіктері жұмыс істей бастады.
Халел Досмұхамедов атындағы Атырау мемлекеттік университетінің профессор-оқытушылар құрамы да еліміздің ғылыми-зерттеу жұмыстарының дамуына өзіндік үлестерін қосып, «Қазақстан - 2050» Стратегиясын» жүзеге асыру мен Қазақстан Республикасының Президенті Н.Ә.Назарбаевтың алдыңғы қатарлы отыз елдің қатарына қосылу - еліміздің ғылыми-зерттеу әлеуетін жұмылдыру мен зерттеу жұмыстарын халықаралық деңгейге көтеріп, оны тәжірибе жүзінде жүзеге асыруды қамтамасыз ету жолында ұжым болып еңбек етіп келеді.
Құрметті Атырау университетінің профессор-оқытушылары мен қызметкерлері!
Сіздерді кәсіби мерекелеріңізбен құттықтай отырып, өздеріңізге сарқылмас зерттеушілік ізденістер мен Қазақстанның қарқындап дамуына үлес қосатын жаңа ғылыми жетістіктер тілеймін.
Құрметпен:
Х.Досмұхамедов атындағы Атырау
мемлекеттік университетінің ректоры,
химия ғылымдарының докторы, профессор А.Талтенов
ПІКІРЛЕР