Волейболдан Ректор кубогінің иегері анықталды

Волейболдан Ректор кубогінің иегері анықталды

2018 жылдың 5 – ші сәуірі күні Атырау университетінің спорттық-мәдени кешенінде волейболдан облыстық турнир Х.Досмұхамедов атындағы Атырау мемлекеттік университетінің «Ректоры кубогінің» ақтық ойындары өтті.

Аса тартысты өтіп жатқан сайыста үш команда ақтық ойындарға жолдама алған болатын. Олар: Кәсіпкерлер палатасы, АМӨЗ және Ұлттық қауіпсіздік комитетінің командалары. Финалдық ойындар нәтижелері бойынша 3-ші орынды Кәсіпкерлер палатасы командасы иеленсе, 2-ші орынды Ұлттық қауіпсіздік комитетінің командасы жеңіп алды. 1-ші орынды, Волейболдан облыстық турнир Х.Досмұхамедов атындағы Атырау мемлекеттік университетінің «Ректоры кубогін» Атырау мұнай өңдеу зауытының командасы ұтып алды.

Ректор кубогін Х.Досмұхамедов атындағы Атырау мемлекеттік университетінің ректоры, химия ғылымдарының докторы, профессор, Атырау облыстық волейбол федерациясының вице-президенті Абзал Талтенов өз қолымен табыс етіп, жарысқа қатынасқан барлық команда мекемелерінің басшыларын Алғыс хаттармен марапаттады. Жарыс қорытындысы бойынша үздік ойыншылар да анықталды:

1.     «Үздік байланысшы» атағын Облыстық денсаулық сақтау командасының ойыншысы Комиршинов Манат алды.

2.     «Үздік шабуылшы» атағынмен Атырау облыстық кәсіпкелер палатасы командасының ойыншысы Ажығалиев Бауыржан марапатталды.

3.     «Үздік қорғаушы» атағын денсаулық сақтау басқармасының командасының ойыншысы Шабдиров Максим иеленді.

4.     «Үздік ойыншы» атағымен Ұлттық қауіпсіздік комитеті командасының ойыншысы Амиров Манап марапатталды.

5.     «Үздік ардагер ойыншы» атағын Атырау мұнай өңдеу зауытының ойыншысы Юрий Милехин иеленді.

ПІКІРЛЕР

Тізімге қайта оралу

Құттықтаймыз!

17 Май 2022 37