Астана феномені бойынша лекторий
«Астананы көшіру феномені: геотарихи байланыс және қазіргі заманғы ақиқат» тақырыбында Атырау университеті Қазақстан және дүниежүзі тарихы кафедрасы мен Атырау қаласындағы орта мектептердің тарихшылары қатысқан лекторий өтті.
Қатысушылар мектептің тарих курсында Астана қаласына байланысты дәрістерді тиімді өткізуге бағытталған сабақ жоспарларын ортаға салды.
Атырау қаласындағы мектептерден келген 25 тарихшының дәрістерінде Астана қаласының даму тарихы, ерекшеліктері, стратегиялық маңызы, қазіргі кездегі астаналық қалаларды ғылыми тұрғыдан зерттеу мәселелері жайы жан-жақты айтылды.
Кездесуді гуманитарлық ғылымдар және өнер факультетінің деканы, тарих ғылымдарының кандидаты Гулфайруз Қайрғалиева кіріспе көзбен ашып, Астана феномені, еліміздің тәуелсіздігінің тірегіне және жаңарған Қазақстаннның символына айналған Астана қаласының саяси, әлеуметтік, ұлттық ерекешеліктері мен Астана феноменін оқып-үйренудегі және ғылыми зерттеулер жүргізудегі пәнаралық байланыстар жайына тоқталды.
Атыраулық қаласындағы Ж.Қаражігітов атындағы №16 мектеп-лицейден Жұпар Ізімова, №37 мектептен Ақбота Сыралиева, М.Өтемісов атындағы мектептен Әйгерім Биманова, Абай атындағы орта мектептен Дина Лукпанова дайындаған сабақ үлгілері жаңаша мазмұнымен, ерекше көзқарастарымен мамандар тарапынан оң бағаланды.
Биылғы жыл қазақстандықтар үшін тағы бір айрықша мерейлі жыл. Қазақстан Республикасы Үкіметінің бекітуімен Астана қаласының 20 жылдығын дайындау және өткізу іс-шараларының жоспары аясында 30 наурызда Атырау университетінде ұйымдастырылған кеңейтілген дәріс-сабақ ел тарихындағы атаулы оқиғаның мән-мағынасын жас ұрпаққа түсіндіру, халық арасында Астананың маңыздылығын насихаттаудағы тағылымды шараның бірі болды.
ПІКІРЛЕР