25 жыл тарихы бар мамандық

25 жыл тарихы бар мамандық

25 жыл тарихы бар мамандық

Университетімізде бәсекелестікке қабілетті, халықаралық талаптарға сай білімді мамандар даярлап келе жатырған шетел тілі: екі шетел тілі мамандығына 25 жыл толуына байланысты «Қазіргі заманғы көптілді кеңістікте шетел тілдерін оқытудың кіріктірілген әдісі» атты республикалық ғылыми-практикалық конференция өтті.

Республикалық университеттердің профессор оқытушылары мен облыстық мектептердің шетел тілі мамандары қатысқан пленарлық мәжілісті Әлеуметтік мәселелер және жастар саясаты проректоры Ляйля Қойшығұлова жүргізіп отырды. Қатысушылардың конференция тақырыбы аясындағы баяндамалары тыңдалды.

1992 жылы осы мамандықтың ашылуына зор үлес қосқан п.ғ.д. профессор Жайлы Өмірбекова «Қай жұмыстың болмасын өзінің тарихи сәттері бар. 25 жыл бұрын осы мамандық ашылып, шет тілі мамандарын даярлауға мүмкіндік туды. Алғашында бөлімше болып ашылған бұл мамандық қазіргі таңда оқытушылар мен үздік студенттердің арқасында факультет дәрежесіне жеткеніне қуаныштымын» - деп ризашылығын білдірді.

Шетел тілін оқыту әдістемесі кафедрасының негізін салған доцент, 48 жыл қызмет еткен Алтын Қапақова баяндамасында шетел тілін оқытудың заманауи әдістері туралы сөз қозғады және оны жүзеге асыруда кіріктірілген әдістің тиімді екенін атап айтты.

Қ.Жұбанов атындағы Ақтөбе өңірлік мемлекеттік университеті, Шетел филологиясы кафедрасының меңгерушісі, ф.ғ.к. Гульмира Кушкарова өз сөзінде көптілді білім беру – жас ұрпақты жаһандану жағдайында өмірге дайындаудың тиімді құралы екенін баян етті.

Батыс Қазақстан инженерлік-технологиялық университеті, Тілдер және менеджмент факультетінің магистрі Күмісай Төреғали Тіл білімінің қазіргі жағдайы жаһандану үрдісіндегі білім берудің жаңа тәсілдері екенін өз баяндамасында тілге тиек етті.

1993 жылы еңбек жолын университетімізде бастаған, қазіргі таңда М.Өтемісов атындағы Батыс Қазақстан мемлекеттік университетінің магистрі, аға оқытушы Айнагул Насимуллина «Үштұғұрлы тіл» бағдарламасының аясында мектептерде ағылшын тілін оқыту процесінде жасалынып жатырған мәселелерге тоқталды.

Назарбаев Зияткерлік мектебінің химия пәні мұғалімі Гаухар Жанболатова Академиялық тілді пәндік-интеграцияланған оқу сабақтарында қолдану тәсілін түсіндіріп өтті.

Жиын соңында, Шетел тілі: екі шетел тілі мамандығының ашылуына еңбек сіңірген ардагер ұстаздар марапатталды. Олар:

Капакова Алтын Жумагазиевна - 18 жыл кафедра меңгерушісі қызметін атқарған ұстаз «Құрметті кафедра меңгерушісінің аттестатымен»;

Сурина Надежда Андреевна - Шетел тілі: екі шетел тілі мамандығында 22 жыл қызмет еткен, университетке сіңірген еңбегі үшін «Х.Досмұхамедов атындағы Алтын медалімен»;

Нургалиева Мадина Мухамбеткалиевна - Шетел тілі: екі шетел тілі мамандығында 18 жыл қызмет етіп келді, 10 жыл кафедра меңгерушісі, университетке сіңірген еңбегі үшін «Х.Досмұхамедов атындағы Алтын медалімен»;

Елешова Ақзира Сабировна -Шетел тілі: екі шетел тілі мамандығында 20 жыл қызмет еткен, «Университет дамуына сіңірген еңбегі үшін» төсбелгісі;

Гилаева Майра Гилаевна - Шетел тілі: екі шетел тілі мамандығының ашылуына тікелей үлес қосқан оқытушы, 40 жыл қызмет еткен, «Университет дамуына сіңірген еңбегі үшін» төсбелгісі;

Назкенова Рахимаш Назкеновна - Шетел тілі: екі шетел тілі мамандығының ашылуына тікелей үлес қосқан оқытушы, 55 жыл қызмет еткен, «Университет дамуына сіңірген еңбегі үшін» төсбелгісі;

Өмірбекова Жайлы Букешовна – 1992 жылы Облыстық білім бөлімінің басшысы, мамандықтың ашылуына қызметтенген, алғыс хат;

Найденова Нина Викторовна - Шетел тілі: екі шетел тілі мамандығында 5 жыл қызмет еткен, алғыс хат;

Нуржанова Жайнаш Жумахметовна – Әлем тілдері факультеті деканы қызметін 7 жыл атқарған, алғыс хат;

Матжанова Марфуза Ахметжановна – Филология факультеті деканы қызметін атқарған, алғыс хат;

Булекбаева Алмагуль Жанбырбаевна – Шетел тілдері факультетінің декан орынбасары қызметін атқарған, алғыс хат.

         Мәжілістен кейін қатысушылар екі компоненттен тұратын, ағылшын тілін үйренуге арналған English Only Space инновациялық кешенін аралады. Кейін ағылшын тілі оқытушыларына арналған мастер класс ұйымдастырылды.

 

Алтынай СӘЛІМГЕРЕЙҚЫЗЫ,

Медиа-қызмет орталығының тілшісі

ПІКІРЛЕР

Тізімге қайта оралу

Әріптестеріміз мамандықтар фестиваліне қатысып келді

23 Май 2019 32

Х.Досмұxамедов атындағы Атырау мемлекеттік университеті, Жастар саясаты департамент маманы Нәжіп Жадыра, Дене шынықтыру және бастапқы әскери дайындық кафедрасының оқытушысы Қалдыбаева Айман, "биология" кафедрасының оқытушысы,магистр Копашева Айымгул мемлекеттік «Серпін- 2050: Мәңгілік ел жастары - индустрияға» жобасы аясында, Маңғыстау облысында өткен мамандықтар фестиваліне қатысып келді.

«Жастарды қолдау-болашаққа самғау»

23 Май 2019 29

«Рухани жаңғыру» бағдарламасы аясында 2019 жылы 17 мамырда Атырау қаласының «Даму» кәсіпкерлікті дамыту қорында «Жастарды қолдау-болашаққа самғау» тақырыбында дөңгелек үстел өткізілді.

«Елбасының тәуелсіз Қазақстан мемлекетін қалыптастырудағы рөлі» тақырыбында жиналыс өтті

23 Май 2019 27

17 мамыр күні Х.Досмұхамедов атындағы Атырау мемлекеттік университетінде профессор-оқтушылар мен студенттердің қатысуымен «Елбасының тәуелсіз Қазақстан мемлекетін қалыптастырудағы рөлі» тақырыбында жиналыс болып өтті.

Спортшыларымызды құттықтаймыз!

15 Май 2019 58

Студенттер арасында Ақтөбе қаласында X жазғы универсиада ойындары өтті. Жарысқа дзюдо күресінен 22 команда бақ сынып, сайысқа түсті. Қорытынды есеппен, командалық сайыста Х.Досмұхамедов атындағы Атырау мемлекеттік университетінің спортшылары жүлделі ІІІ орынға ие болды және  дене шынықтыру және  спорт мамандығының 1 ші курс студенті Сырбаз Талғат еркін күрестен 65 кг салмақта қатысып, жеңімпаз атанды.