МЕКТЕП ТҮЛЕКТЕРІМЕН КЕЗДЕСУ ӨТТІ
2018 жылдың 27 наурызы күні Х.Досмұхамедов атындағы Атырау мемлекеттік университетінің Гуманитарлық ғылымдар және өнер факультетінің Журналистика кафедрасының оқытушылары Қ.Сүндетұлы мен Ф.Балғожиев Атырау қаласындағы № 10 С.Мұқанов атындағы орта мектепте және Алмагүл мөлтек ауданындағы № 34 мектеп гимназияда кәсіби бағдар жұмысын жүргізу мақсатында биылғы мектеп бітіретін түлектермен, олардың ата-аналарымен кездесу өткізді.
Кездесу барысында аты аталған кафедра оқытушылары сөз сөйлеп, университеттің тарихы мен бүгінгі тыныс-тіршілгінен хабарлама жасады. Сондай-ақ, № 10 С.Мұқанов атындағы мектептің директоры міндетін атқарушы Гүлбану Балмұқанқызы Ешимова, ата-аналар атынан Қожықова Ұлдай, Әліпкалиева Айгүл сөз сөйлеп, көкейлеріндегі жүрген сұрақтарға тұшымды жауаптар алды.
№ 34 мектеп гимназияда болған кездесуде де университеттің қабылдау комиссиясының хатшысы А.Б. Дүйсекенова, профессор А.Шамғонов, мектептің оқу ісі жөніндегі меңгерушісі Светлана Қадырешқызы, сондай-ақ инновациялық білім беру факультеті оқытушылары қатысып, ата-аналар атынан Мүсірепова Алмагүл, Тоқбасова Алмагүл сөз сөйледі.
Аталған кездесуде ата-аналар мен биылғы мектеп түлектері тарапынан қойылған сұрақтарға толық жауап берілді. Оларға дайындалған кафедра туралы буклет пен «Университет» газетінің соңғы саны таратылды. Кездесуге № 10 С.Мұқанов атындағы мектептен 27 оқушы, № 34 мектеп гимназиядан 48 оқушы қатысты.
Газетті насихаттау барысында Журналистика мамандығына келем деген оқушыларға осы бастан мақала және өлең жазуға болатындығы айтылып, түсіндірілді. Кездесуде Журналистика мамандығына 2 студент оқуға түсетіндігі туралы өздерінің ниеттерін білдірді.
Журналистика кафедрасының оқытушылары:
Қ.Сүндетұлы, Ф.Балғожиев
ПІКІРЛЕР