Қош келдің, әз-Наурыз!

Қош келдің, әз-Наурыз!

Қазақ халқы ұлт болып Ұлыстың ұлы күні Наурызды керемет көңіл күймен қарсы алды. Жыл басы Наурыз мейрамын атыраулықтар да ерекше тойлады. Сұлтан Бейбарыс алаңында ұйымдастырылған кең көлемдегі мерекелік шараға Атырау халқы көп жиналды.

Мерейлі мерекеге байланысты алаңда ұлттық құндылықтарымызды жаңғыртып, ақ шаңқан киіз үйлер тігілді. Барлық киіз үйлерде қазақ халқының ұлттық салт-дәстүрлері көрсетіліп, театрланған көріністер қойылып, суреттер көрмесі, жәрмеңкелер, спорттық сайыстар өткізілді. Әсем ән мен тәтті күйге де кезек берілді. Жұртшылықты мерекелік көңіл күйге бөлеген 23 киіз үйдің қатарында Х.Досмұхамедов атындағы Атырау мемлекеттік университетінің де киіз үйі болды. Х.Досмұхамедов атындағы Атырау мемлекеттік университеті ректоры Абзал Ахатұлы Талтенов киіз үйге келген қонақтарды, атап айтқанда білім ордасының ардагер ұстаздарын, профессор-оқытушыларды айтулы мерекемен құттықтады.

Ырыс пен берекенің бастауы болған әз-Наурыз мерекесін жоғары деңгейде ұйымдастыруға атсалысқаны үшін Атырау қалалық әкімдігі Атырау мемлекеттік университеті ұжымына Алғыс хат тапсырды.

Айта кету керек, мерекелік шара қазақ эстрада жұлдыздарының қатысуымен болған гала-концертке ұласты.

 

ПІКІРЛЕР

Тізімге қайта оралу

Құттықтаймыз!

17 Май 2022 38