Каспий теңізінің құқықтық мәртебесі ғалымдар назарында
2018 жылдың 14-15 наурыз күндері Х.Досмұхамедов атындағы Атырау мемлекеттік университетінің төрағалығымен «Каспий аймағындағы құқық және бұқаралық ақпарат құралдары: ынтымақтастық негіздері мен келешегі» Каспий маңы елдерінің мемлекеттік университеттері Ассоциациясы аясында халықаралық сарапшылық кездесуі өтті.
Эксперттік кездесуге Әзірбайджан, Иран, Ресей және Қазақстан елдерінің Каспий маңындағы медиа кеңістікті дамыту және Каспий теңізінің құқықтық мәртебесін зерттеп жүрген ғалымдары шақырылған.
Эксперттік кездесу Каспий теңізінің құқықтық мәртебесі: қазіргісі мен болашағы және Каспий аймағы бұқаралық ақпараттық құралдары кеңістігіндегі ынтымақтастықтың әлеуеті мен алғышарттары атты екі секцияда жүргізілді.
«Каспий теңізінің құқықтық мәртебесі: қазіргісі мен болашағы» секция жұмысына Гилян университеті халықаралық байланыстар бөлімінің бастығы Джавад Фамиль ЗавварДжалали, Астрахан мемлекеттік университеті халықаралық құқық кафедрасының меңгерушісі Говердовская Татьяна Владимировна, Қазақстан-неміс университетінің проректоры Барбара Януш Павлетта, Х.Досмұхамедов атындағы Атырау мемлекеттік университеті «Құқытану» кафедрасының меңгерушісі Шаяхметова Жанна Бекболовна және Х.Досмұхамедов атындағы Атырау мемлекеттік университетінің профессор- оқытушылар құрамы қатынасты.
Секция жұмысының барысында қатысушылар теңіздегі биологиялық әртүрлілікті сақтау, теңіздің түбін зерттеу үшін сараптама жүргізуге маңызды саналатын Каспий жағалауындағы елдердің қауіпсіздік, экономика, экология, энергетика және көлік саласындағы ынтымақтастығының перспективаларын ашатын аймақтың басты мәселесі – Каспий теңізінің құқықтық мәртебесін шешуге қатысты сұрақтарды талқылады.
Ғалымдар Каспий теңізінің құқықтық мәртебесі туралы конвенция жобасын 2018 жылдың шілдесінде Астанада өтетін саммитте Каспий жағалауының 5 мемлекеті қол қоюдың маңыздылығы туралы пікір білдірді.
«Каспий аймағы бұқаралық ақпараттық құралдары кеңістігіндегі ынтымақтастықтың әлеуеті мен алғышарттары» секция жұмысына "Насим" ақпарат агенттігінің иесі Ибрахим Бахмани Джалали, Астрахань мемлекеттік университеті журналистика теориясы мен тарихы кафедрасының меңгерушісі Белолипская Галина Сергеевна, «Каспий» газетінің бас редакторының бірінші орынбасары Хюгуг Ягуб оглы Салманов, Астрахань мемлекеттік университеті халықаралық заң кафедрасының доценті Тризно Тамара Александровна, "Атырау" газетінің бас редакторы Балмагамбетов Исатай, "Прикаспийская коммуна" газетінің бас редакторы Шалабаева Насип, "Ұстаздық еңбек" республикалық газетінің бас редакторы Махмудова Орынгуль қатынасты.
Кездесуге қатысушылар қызықты және маңызды баяндамалар ұсынды, кездесу тақырыбы бойынша сындарлы әңгіме болды және әрі қарайғы ынтымақтастыққа нақты ұсыныстар берілді.
ПІКІРЛЕР