Ұлттық дәстүр ұлағаты

Ұлттық дәстүр ұлағаты

Ұлттық дәстүр ұлағаты

Елбасы Н.Ә.Назарбаевтың «Болашаққа бағдар: рухани жаңғыру» бағдарламалық мақаласын жүзеге асыру мақсатында Атырау облысы әкімшілігі мен Х.Досмұхамедов атындағы Атырау мемлекеттік университеті бірлесе ұйымдастырған халықаралық ғылыми конференцияға Еуропадан, Таяу Шығыс, ТМД мемлекеттері және Қазақстаннан арнайы қонақтар келді.

Пленарлық мәжілістен кейін жоспарланған екінші секцияда т.ғ.к., ҚР Ұлттық мұражайының ғылым хатшысы Зубайда Сураганованың модераторлығымен «Еуразия халықтарының көктемгі күнтізбелік әдет-ғұрыптарындағы кейіпкерлер, құрылымы және мифологиясы: жалпылама және ерекшелері» атты тақырып төңірегінде баяндама тыңдалып, ой-пікірлер айтылды. Баяндама барысында Наурыз мерекесін әлемнің 20 шақты мемлекеттері тойлайтындығы және әр халықта өзіндік ерекшелігімен өтетіндігі дәлелденді.

Иран Ислам Республикасы Мазандаран университетінен келген өкіл Мостафа Рустами өз сөзінде ирандықтардың ұлттық құндылығы – өнер екендігін айтты. Атап айтқанда музыкалық аспаптардың, қолдан жасалынатын әшекей-бұйымдардың, ұлттық киімдердің насихатталынатынын жеткізді.

Түркия Республикасы Гази университеті профессоры, «Тюркиат» зерттеу орталығының директоры, ф.ғ.д. Хулия Касапоглу Ченгел қазақ тілінде еркін сөйлеген баяндамасында Елбасымыздың рухани жаңғыру бағдарламасы арқылы Наурыз мерекесі елдің рухын көтеретін маңызы зор мейрам екендігін қазақ зиялыларының еңбектеріне жүргізген зерттеулерімен дәлелдеді.

Өзбекстан Республикасы Әлішер Науаи атындағы Ташкент мемлекеттік өзбек тілі және әдебиеті университеті профессоры, ф.ғ.д. Маруфжон Юлдашев мәдениетсіз тілді, тілсіз мәдениетті елестете алмайтындығын және Наурыз мейрамының шығу тегін, сонымен қатар өзбек ұлтындағы өту ерекшеліктерін атап өтті. Мереке барысындағы ең үлкен рәсім: кішілер міндетті түрде үлкендердің батасын алып шығады. Оған қоса, осы күні жеті науқастың хәлін сұрап шыққан адам жыл бойына ауырмайды деген сенімнің де бар екендігін баяндап берді.

Әзірбайжан Республикасынан келген ақын-аудармашы Ибрахим Хаджиев Наурыз мейрамының тарихи құндылықтарына тоқталып, сыйластық пейілін танытып, университетімізге арнайы сыйлығын табыстады. Талқылау барысында Польша Республикасы мен Қырғызстан Республикасынан келген өкілдер де Наурыз жаңашылдығы мен мерекелік дәстүрлерінің мән-маңызына тоқталып өтті.

Ұлттық мерекелердің ұлт үшін рөлі мен құндылығын зерделеуде жаңа көзқарастарды талап еткен бұл конференция әртүрлі ұлт өкілдерін бір арнаға тоғыстырып, пікір алмастырып, материалдық емес құндылықтарға жаңаша көзқараспен қарауға мүмкіндік берді.

 

                                                           Малика ТАКЕЖАНОВА,

                                                           медиа-қызмет орталығының тілшісі

ПІКІРЛЕР

Тізімге қайта оралу

Жазушы Ақжанов Жан Мұхарабұлымен кездесу өтті

18 Ноя 2019 11

Бүгін Х.Досмұхамедов атындағы Атырау мемлекеттік университетіне жазушы Ақжанов Жан  Мұхарабұлы келіп, студенттермен кездесті.

«GUITAR» кеші өтті

15 Ноя 2019 70

Бүгін Х.Досмұхамедов атындағы Атырау мемлекеттік университетінінде гуманитарлық ғылымдар және өнер факультеті, музыка және өнер кафедра студенттерінің ұйымдастыруымен «GUITAR» кеші  өтті.

Облыстық байқау өз мәресіне жетті

15 Ноя 2019 145

Х.Досмұхамедов атындағы Атырау мемлекеттік университетінде ұйымдастырылған қазақтың заңғар жазушысы Әбіш Кекілбаевқа арналған облыстық байқау өз мәресіне жетті.  

Әбіштің XX томдығы

15 Ноя 2019 153

Х.Досмұхамедов атындағы Атырау мемлекеттік университетінің 70 жылдығымен бірге қазақ прозасының кеңістігін кеңейткен кемеңгер жазушы Әбіш Кекілбаевтың 80 жылдығы орайлас келіп отыр.

Әлем назарындағы Әбіш

15 Ноя 2019 79

Көрнекті мемлекет қайраткері, Қазақстанның Еңбек ері, Халық жазушысы, мемлекеттік сыйлықтың лауреаты Әбіш Кекілбаев- жүректерді жан жылуымен ерітіп, проза әлемінің биік шыңдарын өз еркіне бағындырған дара тұлға.