«Наурыз – адамзаттың материалды емес мәдени мұрасы ретінде»
Осындай атаумен «Ұлы даланың ұлттық дәстүрлері» халықаралық форумы аясында Х.Досмұхамедов атындағы Атырау мемлекеттік университетінде халықаралық ғылыми-тәжірибелік конференциясы басталды.
Ғылыми-тәжірибелік конференция екі секция бойынша ұйымдастырылды.
Бірінші секция «Мереке феноменін зерделеудің теориясы мен методологиясы» тақырыбында болды.
Конференцияда ғалымдар Наурыз мерекесінің тарихы мен маңызы туралы баяндап, өз пікірлері мен ұсыныстарын білдірді.
Атап айтар болсақ, жазушы, Л.Гумилев атындағы Еуразия Ұлттық университетінің профессоры, ф.ғ.д. Тұрсын Жұтбай «Қазақ» газеті және Наурыз мейрамы», С.Торайғыров атындағы Павлодар мелекеттік университетінің профессоры, п.ғ.д. Еңілік Жұматаева «Гауһар дәстүрлердің қайта жаңғыруы – болашақ кепілі», доцент, Х. Досмұхамедов атындағы Атырау мемлекеттік университетің профессоры, т.ғ.д. Аққали Ахмет «Ғасырлар қойнауынан жеткен мұра», профессор, п.ғ.д. Шолпан Джанзакова «Ұлттық тәрбиенің рухани негіздері», Әл-Фараби атындағы Қазақ Ұлттық университетінің профессоры, ф.ғ.д. Анаргүл Салқынбай «Наурыз мейрамы: таным мен тағылым», Әл-Фараби атындағы Қазақ Ұлттық университетінің профессоры, т.ғ.д. Бибизия Қалшабаева «Наурыз мерекесінің мәні мен маңызы», Х. Досмұхамедов атындағы Атырау мемлекеттік университетің профессоры, т.ғ.д. Жамиға Таңатарова «Наурыз мерекесі тарихынан», Нұр-Мүбәрак ислам мәдениеті университеті профессоры, этнограф, т.ғ.к. Досымбек Катран «Наурыз мерекесі-халықтық білім мен ежелгі түсініктер тоғысы» атты баяндамаларын оқыды.
Шара соңында модератор Гульфайруз Кайыргалиева конференцияға қатысқан баяндамашыларға сертификаттар табыстады.
Алтынай СӘЛІМГЕРЕЙҚЫЗЫ
ПІКІРЛЕР