Универсиадада университеттің ерлер командасы ерлік танытты
2018 жылдың 1-11 наурыз аралығында Павлодар қаласында Қазақстан Республикасының жоғарғы оқу орындары студенттері арасында VII қысқы Универсиада өтті.
Универсиада Қазақстан Республикасы білім және ғылым министрлігі, Ұлттық ғылыми – практикалық дене тәрбиесі орталығы, ҚР - ның студенттер спорты, Павлодар облысының әкімшілігінің ұйымдастыруымен болды.
VII қысқы Универсиадада спортшы студенттер спорттың 10 түрінен сынға түсті. Универсиада бағдарламасында ұлттық спортымыз – қазақ күресі де болды. Қазақ күресі жарысына университетіміздің ерлер құрама командасы қатысып, жоғары деңгейде жетістіктер көрсетті. Атап айтсақ Инновациялық білім беру факультетінің 1 курс студенті Парасат Жұмабай 66 келі салмақта II-ші орын, осы факультеттің 2 курс студенті Даурен Болатбекұлы 90 келі салмақта III орын, 3 курс студенті Райымбек Ашықбаев 100 келі салмақта III орын, Экономика және құқық факультетінің 1 курс студенті +100 кг жоғары салмақ дәрежесінде III орынды жеңіп алды. Осы жарыста төрешілік жасаған университетіміздің денешынықтыру кафедрасының меңгерушісі Қазақстан Республикасына еңбек сіңірген жаттықтырушысы Алпысбай Аралбаев және дене шынықтыру және бастапқы әскери дайындық кафедрасының аға оқытушысы, Халықаралық дәрежедегі төреші Рафаэль Хабиров.
Қазақ күресі жарысына 174 палуан спортшы ҚР-ның 26 жоғарғы оқу орынан қатысты. Х.Досмұхамедов атындағы Атырау мемлекеттік университетінің қазақ күресі ерлер командасы жалпы есепте V орын алды. Жарыс жоғары деңгейде өтті.
ПІКІРЛЕР