Университет түлегі өлке тарихының өзекті мәселелерінен дәріс оқыды

Университет түлегі өлке тарихының өзекті мәселелерінен дәріс оқыды

Университет түлегі өлке тарихының өзекті мәселелерінен дәріс оқыды

«Рухани жаңғыру» бағдарламасы аясында Атырау университеті гуманитарлық ғылымдар және өнер факультетінің тарих мамандығы  студенттерінен құралған «Атамекен» тарихшылар клубында тағылымды кездесу өтті.

Жас тарихшыларға «Өлке тарихының өзекті мәселелері» тақырыбында Астана қаласындағы Еуразиялық гуманитарлық университетінің профессоры, заң ғылымдарының кандидаты Кабдеш Ыдырысов дәріс оқыды. 

Бір атап өтерлігі, профессор Қ.Ыдырысов Гурьев мемлекеттік педагогикалық институтының қазіргі Х.Досмұхамедов атындағы Атырау мемлекеттік университетінің тарих мамандығын бітірген университет түлегі. Ол 1968 жылы, яғни осыдан 50 жыл бұрын тарих мамандығына оқуға түсіп, студенттік кезде «Атамекен» тарихшылар үйірмесінің негізін қалаушылардың бірі болған екен. Кездесу барысында ғалым өзінің алғашқы ғылыми мақалалар жазу тәжірибесімен бөлісіп, өлке тарихына қатысты зерттеулер туралы ойларын ортаға салды.

Дәрісте өлке тарихын дүниежүзілік тарихпен байланыстыру, тарих ғылымындағы жергілікті тарихи оқиғалардың әлемдік тарихи оқиғалармен байланысы, талдау мен пайымдау, тарихи таным мәселелері бойынша құнды пікірлер айтылды. Дәріске қатысқан Қазақстан және дүниежүзілік тарих кафедрасының оқытушылары тарих ғылымдарының кандидаты Жеңісбек Мұстафин қазақ хандығы билеушілері, оның ішінде Бұрындық хан жайында, тарих ғылымдарының докторы Жамиға Таңатарова жастардың кеңестік және посткеңестік кезеңдегі тарихи үдеріс мәселелері танып білуі турасында өз пікірлерін білдірді. Тарихшы студенттер еліміздің дамуында айрықша рөлі бар тарихи тұлғалар және оларды ұлықтау, ұрпаққа таныту жұмыстарына қатысты пікірлерін айтты.

Кездесу соңында Қабдеш ағамыз студенттік кезінен бастап ғылыми-зерттеу жұмыстарына тартып, ғылымға келуіне септігі тиген ұстазы, «Атамекен» үйірмесінің жетекшісі Амангелді Шамғоновқа Еуразия гуманитарлық университетінің ректоры А.Кұсайыновтың құттықтау хатын, ал клуб мүшелеріне «Қазақтың дәстүрлі қару-жарақтарының этнографиясы» кітабын табыстады.

Астаналық ғалым Атырау университетіндегі өзгерістерге, студенттердің белсенділігіне, оқу орнының кәсіби маман дайындау ісінде сапалы білім беру мазмұнымен ерекшеленген дәстүрінің жалғасып отырғанына ризашылығын білдірді. Сондай-ақ осыдан елу жыл Атырауға (Гурьевке) Ресей, Грузия, Азербайжан, Армения елдерінен біздің оқу орнындағы сапалы білім беретіндіктерін естіп, жастардың арнайы келіп оқығандықтарын атап өтті. «Атамекен» үйірмесінің 1970 жылғы белсенді мүшелері Л.Ким-Распопова, В.Трелицкий, П.Фомин, Г.Каленова және басқалары туралы естеліктерін айтты. Клуб жұмысына өлке тарихына қатысты зерттеулерге бірқатар тақырыптарды да ұсынды. Дәріс соңында факультет деканы Г.Қайырғалиева университет мақтанышына айналған түлектерінің бірі Қабдеш Ыдырысовқа мазмұнды дәрісі үшін ризашылық білдіріп, университет ректоры атынан Алғыс хат және естелік сыйлықтар табыс етті.

«Атамекен» клубының кезекі отырысынан кейін астаналық қонағымыз «Сарайшық» тарихи-мәдени кешеніне саяхат жасады.

 

Гүлфайруз ҚАЙЫРҒАЛИҚЫЗЫ,

Х.Досмұхамедов атындағы Атырау мемлекеттік университеті

Қазақстан және дүниежүзі тарихы кафедрасының профессоры

ПІКІРЛЕР

Тізімге қайта оралу

Облыстық көркемсөз байқауының жеңімпаздары анықталды

14 Фев 2020 121

Ұлы ақын, ағартушы, қазақ жазба әдебиетінің  негізін қалаушы, философ, композитор, аудармашы қазақ қоғамының реформаторы Абай Құнанбайұлы алты алаштың, иісі қазақтың мақтанышы.

«Мемлекеттік қызмет мектебі» өз жұмысын жалғастыруда

14 Фев 2020 14

Қазақстан Республикасы Мемлекеттік қызмет істері агенттігінің Атырау облысы бойынша департаментінің басшылығымен «Мемлекеттік қызмет мектебі» жас көшбасшыларды оқыту, мемлекеттік қызметке дарынды, талантты болашақ мамандарды тарту және мемлекеттік мекемелерде тағылымдамадан өткізу мақсатымен оқытуды бастап кетті.

Ознакомление с новыми учебниками, подготовленными в рамках реализации программы «Рухани жаңғыру»

13 Фев 2020

Сегодня преподаватели кафедры социально-гуманитарных дисциплин О.К.Бекежан и Р.Б.Ертелеева провели мероприятие по ознакомлению студентов 1 курса факультетов «Инновационное образование», «Физика, математика и информационные технологии»  с новыми учебниками по философии, изданными в рамках реализации программы «Рухани жаңғыру».

«Рухани жаңғыру» бағдарламасы аясында жаңа оқулықтармен таныстыру шарасы өтті

13 Фев 2020 66

Бүгін әлеуметтік-гуманитарлық пәндер кафедрасының оқытушылары Ө.Қ.Бекежан мен Р.Б.Ертелееваның ұйымдастыруымен «инновациялық білім беру» және «физика, математика және ақпараттық технологиялар» факультетінің 1 курс студенттеріне «Рухани жаңғыру» бағдарламасы аясында 100 жаңа кітап бойынша «философия» пәніне арналған оқулықтармен таныстыру шарасы өтті.

«ҚАЗАҚТЫҢ АБЫЗ АДАМЫ» әдеби кеш өтті

12 Фев 2020 45


Ұлыларымызды ұлықтап, даналарымызды төрге оздыру – халқымыздың мерейін үстем ететін игілікті дәстүр.