Нұрлан Әлімжанов Атырау мемлекеттік университетінде
Университетімізде Қазақстанның еңбек сіңірген қайраткері, Қазақстан Жастар одағы сыйлығының лауреаты, актер, әнші, композитор Нұрлан Әлімжановпен кездесу өтті.
Студенттермен қатар профессор - оқытушылар қатысқан шара шымылдығын ректор Абзал Талтенов өзінің жылы лебізімен ашты.
Көрермендер тарапынан қойылған сұрақтарға тұщымды әрі көңілді жауаптар қайтарған Нұрлан кездесу барысында өнегелі әңгімелерімен де бөлісіп отырды.
«Соңғы 5 жыл өмірімді Елбасы киноэпопеясына арнадым. 13 мың іріктеушінің арасынан суырылып бағыма орай мен таңдалғанғаныма қуаныштымын. Бұны өмірімдегі үлкен белес деп білемін,» - дейді Н. Әлімжанов.
Кеш соңында журналистика мамандығының 2 курс студенті Абаева Ақтілек қонаққа өзінің арнау өлеңін оқыса, Нұрлан Әлімжанов қонақ кәде ретінде әсем әндерінен шашу шашты.
Алтынай СӘЛІМГЕРЕЙҚЫЗЫ
ПІКІРЛЕР