1969 түлек ҰБТ сынағына қатысты
Ұлттық бірыңғай тестілеуді ұйымдастыру және өткізу шаралары аясында 3 наурыз күні Х.Досмұхамедов атындағы Атырау мемлекеттік университеті базасында Атырау қаласының мектеп бітіруші түлектері үшін сынақ байқауы өтті.
Сынақ байқауына 58 мектептен 1969 бітіруші түлек қатынасты. Олардың ішінде 1347-сі қазақ, 622-сі орыс сыныптарының оқушылары.
Сынақ байқауында Ұлттық бірыңғай тестілеуді өткізу талаптарына сай арнайы бейнебақылау камераларымен және телефон тұншықтыру құралдарымен жабдықталған аудиториялық қорда түлектер тест тапсырды.
Ұлттық тестілеу орталығының №30 филиал қызметкерлері мен облыстық білім беру басқармасы, қалалық білім бөлімі қызметкерлері бірлесе отырып, ҰБТ-дің өткізілу ережелерімен оқушыларды таныстырды. Мектеп оқушыларын Ұлттық бірыңғай тестілеудің шынайы ортасын сезіну үшін университет басшылығы осындай сынақ байқауларын ай сайын өткізілуіне жағдай жасалынатынын айтып отыр. Ұйымдастырушылардың айтуынша, сынақ байқауының жиі өткізілуі ертеңгі күні мектеп бітіруші түлектердің Ұлттық бірыңғай тестілеудегі нәтижелеріне оң ықпалын тигізеді.
ПІКІРЛЕР