Бәсекеге қабілетті экономиканы қалыптастыру – уақыт талабы

Бәсекеге қабілетті экономиканы қалыптастыру – уақыт талабы

Қазақстан Республикасы Сыртқы істер министрі орынбасары Ақылбек Қамалдинов кеше 27 ақпанда Х.Досмұхамедов атындағы Атырау мемлекеттік университетінде болып, кездесу өткізді.

Батыс Қазақстанның жетекші оқу орындарының бірі Атырау мемлекеттік университетінің профессор-оқытушыларымен, студенттерімен өткен кездесуде Сырты істер министрі орынбасары Елбасының «Төртінші өнеркәсіптік революция жағдайындағы дамудың жаңа мүмкіндіктері» атты Жолдауының басым бағыттарына тоқталды. Мемлекет басшысының қазақстандықтарға арналған Жолдауындағы міндеттер еліміздің келешектегі дамуына арналғандығын тілге тиек еткен Ақылбек Қамалдинов Жолдаудағы басым бағыттарға ерекше тоқталып өтті.

Сырты істер министрі орынбасары Ақылбек Қамалдинов өз кезегінде Жолдаудың басты міндеттері – Қазақстанның жаңа кезеңіндегі экономикалық дипломатияның негізін құрайтындығын атап өтіп, «экономикалық блогпен бірлесе отырып, үкімет инвестициялық және экспорттық бағыттардағы өзара іс-қимылдың нақты тетігін жетілдіре түседі. Бұл Қазақстан экономикасының басым салаларына инновациялық технологияларды тартуға сондай-ақ, отандық кәсіпорындардың өнімдерін сыртқы нарықтарға жылжытуға бағытталады. Өнеркәсіп көлік және логистика секторын, агро өнеркәсіптік кешенін жаңғырту саласындағы халықаралық ынтымақтастыққа назар аударылатын болады. ҚР Сыртқы істер министірлігі Қазақстан дипломатиялық қызметіне цифрлық технологияларды енгізуді жалғастырады» деді.

Кездесу барысында Қамалдинов мырза студенттер тарапынан қойылған бірқатар көкейкесті сұрақтарға  тұщымды жауап берді.

Шара соңында, университет ректоры Абзал Талтенов арнайы келген Сыртқы істер министрі орынбасары А.Қамалдиновке алғысын білдірді.

Алтынай СӘЛІМГЕРЕЙҚЫЗЫ

ПІКІРЛЕР

Тізімге қайта оралу

ҚОНАҚ ДӘРІСІ

27 Ноя 2020 15