Көптілділікті меңгерудегі инновациялық әдістеме
Өткен аптада Көптілді білім беру факультетінің оқу-әдістемелік секциясының ұйымдастыруымен “Білім беру жүйесіндегі үштілділік және инновациялық әдістеме” тақырыбында дөңгелек үстел өткізілді.
Дөңгелек үстелге Атырау университетінің тіл мамандары, Атырау Мұнай және Газ университеті, Атырау инженерлік-гуманитарлық институты, облыстық тілдерді дамыту жөніндегі басқармасы, Қ.Дүтбаева атындағы педагогикалық колледж, Атырау аграрлы-техникалық колледж, С.Мұқашев атындағы Атырау политехникалық колледж, Назарбаев Зияткерлік мектебі, Атырау “Білім-Инновация” лицейі, Ағылшын тілін тереңдетіп оқытатын техникалық гимназия, №34 Көпсалалы гимназия т.б. білім беру мекемелері мен оқу орындарының орыс, қазақ, шетел тілдерінің кәсіби тіл мамандары өз баяндамаларымен қатысты. Сонымен қатар, Атырау университетіне Иран елінен келген парсы тілінің оқытушылары Кальвони Гульназ, Шахрам Тарджани және Аударма ісі мамандығының 1-курс студенті Эрфан Шадхам қатынасып, өздерінің тілді меңгеруде тиімді әдіс-тәсілдерімен таныстырып, озық тәжірибелерімен бөлісті.
Кездесу соңында қонақтар Көптілді білім беру факультеті жанындағы «Драма клуб» мүшелері, Аударма ісі мамандығының 3-курс студенттері дайындаған ағылшын тіліндегі қойылымын тамашалады. Көптілді білім беру факультетінің деканы ф.ғ.к. Султангубиева Айгул Айтмұханқызы көптілділікті меңгеру - бүгінгі білім беру кеңістігіндегі өзекті мәселе екендігіне тоқтала отырып, Атырау қаласының білім беру мекемелерінен келген тіл мамандарына ризашылығын білдірді.
ПІКІРЛЕР