Олимпиада оқушылардың «STEM»-ге қызығушылығын оятты

Кеше 18 ақпан Х.Досмұхамедов атындағы Атырау мемлекеттік университетінде «Шеврон» компаниясы және Атырау облысының әкімдігімен серіктестікте Халықаралық жастар қорымен жүзеге асырылатын «Заңғар» инновативті білім беру жобасы аясында екінші «STEM Хакатон» олимпиадасы өтті.

STEM-білім беру (ағыл. – ғылым, технологиялар, инженерия және математика) бойынша олимпиаданың ұйымдастырушысы Халықаралық жастар қорының жергілікті серіктесігі «Bolashak Engineering» компаниясы болып табылады

«Хакатон» сөзі – «хакер» және «марафон» сөздерінің тіркесуінен пайда болған термин. Бүгінде хакатондар хакерлікке жатпайтын әлемде кеңінен тараған қандай да бір мәселені шешудің «марафондарына» айналған. Атырауда «STEM Хакатон» 14 пен 18 жас аралығындағы жастар арасында негізгі 4 бағыт бойынша өткізіледі: робототехника, инженерия, бағдарламалау және 3D модельдеу.

Bolashak Engineering компаниясының жоба менеджері Руслан Нуримбетов атап өткендей, «STEM Хакатон», өткен жылдағыдай, ғылым, технология, инженерия және математика салаларында жастардың шығармашылық әлеуеттерін дамыту және жалпы оқушылардың STEM-ге деген қызығушылығын арттыру, техникалық мамандықтарды танымал ету, білімді адамды «тренд» секілді жасау мақсатпен өтті. Олимпиада проблеманы жылдам зерттеуге және оны шешудің қажетті құралдарын құруға мүмкіндік береді; қазіргі заманғы әлемде қажетті дағдылар болып табылатын сыни ойлауды дамытып және командалық жұмысты ұйымдастыруға жол ашады.

Атырау қаласы мектептерінен 40-қа жуық оқушы қатысқан іс-шарада қатысушылар бірнеше сағат ішінде STEM-ге қатысты өзекті мәселелердің шешімін табу үшін командада жұмыс жасады. Олимпиаданың жүлдегерлері арнайы дипломдармен марапатталды.

Еске салсақ, «Заңғар» жобасы – «Шеврон» корпорациясы Атырау қаласы жастарын дамыту бағдарламасының бір бөлігі болып Бұл төрт жылдық бастама кәсіби маңызды өмірлік дағдыларды дамыту бойынша оқытуды және ғылым, технология, инженерия және математика (STEM) бойынша оқу бағдарламаларын біріктіреді. «Заңғар» жобасы Қазақстанда, соның ішінде, Атырауда 10-22 жас аралығындағы жастарды өмірде, оқуда және жұмысқа орналасуда табысқа жетуге жетелейді.

Арайлым БАҒЫТЖАН

ПІКІРЛЕР

Тізімге қайта оралу

Құттықтаймыз!

17 Май 2022 37