Golder Associates кәсіби практикасы

Golder Associates кәсіби практикасы

Канадалық Golder Associates корпорациясының қазақстандық бөлімшесі өкілдері өздерінің ұйымдары базасында келешекте еңбекке орналастыру мүмкіндігімен өндірістік және зерттеушілік практикадан өту үшін «Экология» мамандығы студенттері мен магистранттары арасында іріктеу жүргізді.

Айта кету керек, аталған корпорация табиғи ресурстарды игеру, пайдалы қазбалар кен орындарын әзірлеу, қоршаған ортаны қорғау мен экологиялар саласында қызмет көрсетеді.

Іріктеу екі кезеңде өткізілді. Бірінші кезең – мамандық бойынша білімді тестілеу, екіншісі – ағылшын тілінде пікірлесу. Барлығы 12 адам қатынасты, оның ішінде 3 магистрант (1 магистрант 2 – ші курстан және 2 магистрант 1-ші курстан) және 9 студент (4 студент 3-ші курстан және 5 студент 4-ші курстан). Қорытындысында іріктеуден төртеуі өтті:

- Темірбеков Темирлан, 1 курс магистранты мамандығы 6М060800-Экология;

- Рысқалиева Дамиля, 2 курс магистранты мамандығы 6М060800-Экология;

- Текеева Айгүл, 3 курс студенті мамандығы 5В060800-Экология;

- Аманғалиева Мадина, 4 курс студенті мамандығы 5В060800-Экология.

Академиялық күнтізбеге сәйкес 2018 жылдың қаңтар – сәуірінде 2 - курс магистранттары мен 4 - курс бакалаврларына практика жоспарланған, сондықтан да аталған уақыт кезеңінде практикадан өту үшін тек екеуі шақырылған – Рысқалиева Д және Аманғалиева М олармен үшжақты келісімге қол қойылады. Іріктеуден өткен қалған студенттер олардың академиялық календарына сәйкес практикадан өту кезеңінде шақырылатын болады. ​


ПІКІРЛЕР

Тізімге қайта оралу

Құттықтаймыз!

17 Май 2022 38