«Стратегиада-2018» байқауы

Атырау мемлеккетік университетінде осыған дейін Cтратегияны түсіндіру жəне талқылау мақсатында сегіз стратегиялық сессия ұйымдастырылған болатын. Сессияны қорытындылау мақсатында Стратегиялық даму және адами ресурстарды дамыту департаменттері байқау ұйымдастырды.

Тың идеяларға толы байқауға 2017-2020 жылдардағы даму стратегиясын іске асыру үшін университет профессор-оқытушылары мен қызметкерлері қатысты. Байқау өткізудегі басты мақсат – көшбасшылардың ой-пікірін білу, жаңа идеялар мен жобаларға қолдау көрсетіп, оларды ынталандыру.

Байқауға университет ректоры Абзал ТАЛТЕНОВ, оқу ісі жөніндегі проректор Гүлжан ЖАРАСОВА, ғылым жөніндегі проректор Саламат ИДРИСОВ, Стратегиялық даму департаментінің директоры Динара ТУЯКОВА, Адами ресурстарды дамыту департаментінің директоры Нұргүл ТАҒАЙБЕКОВА және стратегияны іске асыру бөлімшесінің басшысы Гүлбаршын ШАМБИЛОВА әділқазылық етті.

«Стратегиада-2018» байқауына жаратылыстану және ауыл шаруашылық факультетінен «Экоlife», инновациялық білім беру факультетінен «Innovation», көптілді білім беру факультеті «Полиглот», экономика және құқық факультетінен «Даму жолы», физика-математика және ақпараттық технологиялар факультеті «Сәттілік формуласы» сонымен қатар гуманитарлық ғылымдар және өнер факультетінен «Amanat» командалары қатысып, мынадай 4 бөлім бойынша бақ сынады:

1. Бастау
2. Интеллектуалды жарыс
3. Шығармашылық идеялар эстафетасы
4. Жобалар марафоны

Шара соңында, «Жасампаз ұжымы» номинациясы «Полиглот», «Стратегия білгірі» номинациясы «Innovation», «Ең үздік презентация» атағы «Даму жолы» және «Ең ерекше көзқарас» «Сәттілік формуласы» командаларына табысталса, сондай-ақ «Үздік жоба» «Экоlife» пен «The best club» номинациясы бойынша «Amanat» командалары марапатталды. Ал шара қорытындысы бойынша, III дәрежелі дипломды гуманитарлық ғылымдар және өнер факультеті, II орынды экономика және құқық факультеті, ал I орынды инновациялық білім беру факультеті иеленді.

Қатысушылар сессия барысында интеллектуалды сұрақтарға жауап беріп, небір тың идеялар туындатып, алынған ақпараттарды жұмыс үдерісіне үлкен пайдасын тигізетінін атап өтті. Сондай-ақ білім ордасына арналған стратегиялық даму бағдарламасы аясында топтық жұмыс атқарып, білімдерін кеңейткенін тілге тиек етті.

Малика Такежанова,
медиа-қызмет орталығының тілшісі

Тізімге қайта оралу