Жолдау негізіндегі кездесу
Жаңа жылдың бастамасында университетімізге ҚР Білім және ғылым министрі Ерлан Сағадиев келіп, оқу орнымыздың инфраструктурасымен танысып шықты.
Университет ғылыми кеңес залында Атырау облысы әкімінің орынбасары Нұрсәуле Сайлауованың модераторлығымен Елбасы Н.Ә.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты жолдауы аясында жиын өткізілді. Кеңеске Атырау облысы жоғары оқу орындарының ректорлары мен проректорлары және профессор-оқытушылар құрамы қатысты. Осы кездесу барысында Ерлан Сағадиев жаңартылған білім беру жүйесі бойынша жаңа бағдарламаларды түсіндірді. Атап айтқанда, ағылшын тілінде өтетін пәндер, латын қәріпіндегі жаңа кітаптар, оқытушылардың білім беру тәжірибесін көтеру туралы мәселелерге тоқталды. Жиын барысында Жоғары және жоғары оқу орнынан кейінгі білім департаменті директоры Гүлзат Көбенова білім жүйесіндегі заңнамалармен таныстырды. Сондай-ақ қазіргі таңда білім саласындағы мәселелер кеңеске түсіп, қарастырылып жатқанын айтқан болатын. Ғылыми кеңеске қатысушылар білім саласындағы өзгерістерге орай сұрақтарын қойып, ұсыныстарын білдірді.
ПІКІРЛЕР