ҚР Білім және ғылым вице-министрі Атырау университетінде
Қазақстан Республикасының Білім және ғылым вице-министрі Бибігүл Амангелдіқызы Асылова Атырау облысына жасаған іссапары кезінде білім ордамызға келіп, университетімізде жасалынып жатқан жаңа жұмыстармен танысып шықты.
Қазақстан Республикасының Білім және ғылым вице-министрі өз танысуын Атырау университетінің мұражайынан бастап, биылғы оқу жылында пайдалануға берілген студенттерді кәсіпкерлікке баулып, сондай-ақ олардың ғылыми-зерттеу жұмыстарын қаржыландыруға мүмкіндік беретін «I SРАСЕ» - коворкингі мен бизнес инкубатор жобасының жұмысымен және екі компоненттен тұратын, ағылшын тілін үйренуге арналған инновациялық «Еnglish Оnly Space» орталықтарының жұмысымен танысты. Атырау университетінде жасақталынған тағы бір жаңашыл жоба - «Fab Lab-Atyrau» деп аталады. Сандық және өндірістік бұл зертхана- заманауи кішігірім цехтың қызметін атқарып, қатысушыларға CNC машиналарында қажетті бөлшектерді шығаруға жол ашып отыр.
ПІКІРЛЕР