Жаңа жылда – Жаңа жетістіктер!
2018 жылды біздің университетіміз тағы да бір маңызды жетістікпен бастап отыр. Білім берудегі сапаны қамтамасыз ету бойынша Тәуелсіз агенттіктің ұлттық рейтингісіне сәйкес Х.Досмұхамедов атындағы Атырау мемлекеттік университеті Қазақстанда 2017 жылдағы үздік көп профилді жоғары оқу орындары арасынан 16-шы орын иеленді.
Айта кету керек, аталған рейтинг академиялық статистикалық көрсеткіштерді талдау, сарапшылар бағалары мен жұмыс берушілерді сұрау арқылы қалыптасады. Өткен жылда біздің университетіміз осы рейтингте еліміздің 18 жоғары оқу орындары арасында 17-ші орын алса, биылғы жылы 23 жоғары оқу орындары арасынан бәсекелестікке төтеп беріп, айтарлықтай ілгері көрсеткішке қол жеткізе алды. Барлығы жоғары оқу орындарының ұлттық рейтингі Қазақстан-2017-ге 61 жоғары оқу орындары – көп профилді техникалық, гуманитарлық-экономикалық, медициналық және педагогикалық, өнер бағытындағы университеттер қатынасты.
ПІКІРЛЕР