Университет пен мектеп арасындағы қарым-қатынас
Жапақ Есқабылұлы Қаражігітовтың 100 жылдық мерей тойына арналған үлкен шараға университетіміздің математика және "Математиканы оқыту әдістемесі" кафедрасының профессор – оқытушылары қатысып өз үлестерін қосты.
Ж.Қаражігітов атындағы №16 мектеп – лицейде 5 жылдан аса уақыттан бері Х.Досмұхамедов атындағы Атырау мемлекеттік университетінің математика және математиканы оқыту әдістемесі кафедрасының филиалы жұмыс жасауда. Кафедраның профессор-оқытушылары жыл сайын шеберлік кластарын өткізеді, мектеп мұғалімдеріне қазіргі білім беру технологиялары бойынша білім беруді жүзеге асыру барысында әдістемелік көмек қөрсетіледі. Математика мамандығы студенттері осы мектептен педагогикалық практикадан өтеді, филиалда бітіруші студенттер диплом жұмыстарын қорғайды.
Осы бағытта 19.12.17 – 23.12.17 ж. аралығында қала көлемінде Ж.Қаражігітов атындағы №16 мектеп – лицейде «ҚазССР-ң білім беру ісінің үздігі», Ұлы Отан соғысының ардагері, ұлағатты ұстаз, математика пәнінің мұғалімі болған Жапақ Есқабылұлы Қаражігітовтың 100 жылдық мерей тойына арналған үлкен шара өтті. Осы шараға біздің кафедраның профессор – оқытушылары п.ғ.д., профессорлар Б.Т.Барсай, Т.А.Каражигитова, т.ғ.д., профессор Б.З.Кенжегулов, ф.-м.ғ.к., кафедра меңгерушісі Н.Қ.Шаждекеева қатысып өз үлестерін қосты. Университет ғалымдары мен мектеп мұғалімдері бірлесіп математика онкүндігі өткізілді. Ашық сабақтар мен тренингілер жүргізілді. ҚПҒА академигі, Х.Досмухамедов атындағы Атырау мемлекеттік университетінің математика және математиканы оқыту әдістемесі кафедрасының профессоры, п.ғ.д. Т.А.Каражигитованың академиялық мектебінің әдістемелік семинарлары өткізілді. Осы бағытта қала мектептерінің математика пәні мұғалімдерінің қатысумен п.ғ.д., профессор Б.Т.Барсайдың академиялық мектебінің де семинарларының жұмыстары нәтижелі болды. Ф.-м.ғ.к., кафедра меңгерушісі Н.Қ.Шаждекеева кәсіптік бағдар беру мақсатында мектеп бітіруші жоғарғы сынып оқушыларымен кездесу ұйымдастырды. Физика, математика және ақпараттық технологиялар факультетінің деканы, техника ғылымдарының докторы, профессор Б.З. Кенжегулов 11 сынып оқушыларына олимпиадалық есептерді щещу әдістері бойынша мастер-класс өткізді. Осы мерекелік шара аясында оқушылар арасында «Үздік ғылыми жоба», ҰБТ есептерін шешуден пәндік сайыс, қала мектептері мұғалімдері арасында «Үздік математик», «Үздік математика пәні мұғалімі», «Үздік әдіскер мұғалім» кәсіптік шеберлік конкурстары ұйымдастырылды. Бұл шараларға 200-ден астам қала мектептерінің оқушылары мен 50-дей мұғалімдер қатысты. Әділқазы алқасының мүшелері қатарында университет ғалымдары, қалалық білім беру бөлімінің және облыс мектептерінің өкілдері болды. Осы шаралардың нәтижесінде университет профессор-оқытушылары мен мектеп ұжымы арасында бұрынғыдан да тығыз байланыс орнатылды.
ПІКІРЛЕР