ЖОО мен колледж педагог қызметкерлері арасындағы облыстық спартакиаданың ашылуы
Атырау қаласының «Атырау» спорт кешенінде ағымдағы жылдың желтоқсан айының 20-ы күні «Спорт-нашақорлыққа қарсы» ұранымен Атырау облысы білім беру басқармасы мен «Қазақстандық салалық білім және ғылым қызметкерлерінің кәсіптік одағының Атырау облыстық ұйымы» қоғамдық бірлестігінің ұйымдастыруымен жоғары оқу орындары мен колледж педагог қызметкерлері арасындағы облыстық спартакиада өз шымылдығын ашты.
Бұл спартакиадада командалар спорттың алты түрінен өз бақтарын сынайды. Атап айтсақ: футбол, баскетбол, волейбол, тоғызқұмалақ, шахмат және үстел теннисі. Жарыс желтоқсан айының 20 – 26 аралығында өткізіледі деп жоспарлануда.
Жарысқа Халел Досмұхамедов атындағы Атырау мемлекеттік университетінің педагог қызметкерлері командасыда белсенді түрде қатынасып, сайыстың алғашқы күндері өткізілген үстел теннисінен университет командасы жүлделі бірінші орынға ие болды.
Досмұхамедов атындағы Атырау мемлекеттік университетінің педагог қызметкерлері командасына тек Жеңіс тілейміз.
ПІКІРЛЕР