Алашорда құрылғанына 100 жыл

Конференция жұмысына Астана, Алматы қаларынан алаштанушы ғалымдар және «Ақ жол» демократиялық партиясының Атырау облыстық филиалының төрағасы Е.Юсупов, партия өкілдері, университет ғалымдары, архив және музей қызметкерлері, өлкетанушылар, студенттер, магистранттар қатынасты.
Конференцияда алаштанушы, ф.ғ.д., профессор Ғ.Әнестуралы «Х.Досмұхамедов мұралары туралы», т.ғ.д., профессорлар Ә.Мұқтар «Алаш идеяларының сабақтастығы», А.Ахмет «Б.Сәрсеновтер туралы не білеміз?» тақырыптарында баяндамалар жасады. Конференция барысында Батыс Алашорданың құрылғанына 100 жыл толуына орай Индер ауданының Ішкі саясат бөлімімен бірлесіп Батыс Қазақстан облысының Қаратөбе, Сырым, Ақжайық және Ақтөбе облысының Ойыл, Атырау облысының Қызылқоға аудандарына тарихи-танымдық экспедиция ұйымдастыру, Батыс Алашорданың құрылғанына 100 жыл толуына орай, оның қоғамдық-саяси, әлеуметтік-экономикалық қызметі және Атыраулық Алаш қайраткерлері туралы зерттеу, жинақ кітаптар шығару және Х.Досмұхамедовке облыс орталығында көрнекті ескерткіш орнату, еңбектерін шығару және Москва, Воронеж қалаларына археографиялық экспедиция ұйымдастыру туралы ұсыныс-пікірлер айтылды.