Атырау университетінің тарихи жетістігі

Атырау университетінің тарихи жетістігі

Халел Досмұхамедов атындағы Атырау мемлекеттік университеті өз тарихында алғаш рет халықаралық рейтингке енді.

Біз бүкіл әлем бойынша сараланатын UI Green Metric Халықаралық рейтингінде 619 жоғары оқу орындары арасынан 378 орын иелендік. Бұл рейтингке 5 қазақстандық университеттер енді. Әл-Фараби атындағы ҚазҰУ – 186, Х.Досмұхамедов атындағы Атырау мемлекеттік университеті – 378, А.Яссауи атындағы Халықаралық қазақ-түрік университеті – 387, Қазақ Ұлттық аграрлық университеті – 423, Нархоз университеті – 582.

UI Green Metric World University Ranking – мақсаты экологиялық салада жоғары оқу орындарының саясатын, жобаларын, ғылыми мен білім беру бағдарламаларын бағалау және экологиялық мәселелерге назар аударту болып табылатын жоғары оқу орындарының дара ғаламдық рейтинг.

UI Green Metric World University рейтингі - 2010 жылы жарияланған Индонезия университетінің бастамасы. Бұл рейтингтің басты міндеттерінің бірі –студенттік қалашықтардың өзекті экологиялық жайғдайлары мен бүкіл әлем бойынша университеттердің тұрақты дамуының жай-күйі бойынша онлайн-сұраулар нәтижелерін тарату.

Биылғы жылы құрастырушылар кампустың табиғи ортаға жалпы қарым-қатынасы, энергияларды тұтыну мен климат өзгеруіне ықпал ету, таза биомасса, геотермальды энергия, күн қуаттары арқылы жаңғырмалы энергия көздерін жасау үшін инновацияларды енгізу, қалдықтарды қысқарту бойынша саясат, су ресурстарын тиімді пайдалану, ЖОО аумағында транспортты қолдану – қоғамдық, жеке немесе велосипедтерді, экологиялық мәселелер бойынша жарияланған ғылыми жұмыстар саны, аталған мәселені зерттеуге бағытталған зерттеу қорлары сияқты критериалды есепке ала отырып 76 елден 619 университеттерді саралады.

Біздің университетте аталған критерияларға сәйкес келуі үшін ауқымды жұмыстар жасалынды. Бірегей инновациялық жоба – осы жылдың қыркүйегінен бастап жұмыс жасай бастаған айналмалы шатырмен күрке іске енгізілді. Экокампус стратегиялық бағдарламасы қабылданды (бағдарлама кең ауқым иеленіп және университет қалашығындағы болып жатқан өзгерістерге әсер ету жолымен университеттің қоршаған ортасына әсер етуді төмендетуге бағытталған), Эразмус+ бағдарламасы аясында SUSDEV жобасы жүзеге асырылуда. Сонымен қатар, білім беру жүйесіне экологиялық менеджмент бойынша курс енгізілді, экологиялар бойынша ғылыми мақалалар жарияланды, суды үнемдеу бойынша шаралар алынды, айырғыш қоқыс жәшіктері қондырылып, авто тұрақ орыны кеңейтілді.


ПІКІРЛЕР

Тізімге қайта оралу