Сұлулықты жырлаған суреткер

Сұлулықты жырлаған суреткер

Елбасының «Болашаққа бағдар: рухани жаңғыру» мақаласы аясында Шаймардан Сариев атындағы көркемсурет және қолданбалы сәндік өнер музейінде  Қазақстан мен Қырғызстанның Еңбек сіңірген мәдениет қайраткері, Халықаралық Жамбыл атындағы сыйлықтың лауреаты, суретші Ілия Жақановтың «Сұлулықты жырлаған суреткер» атты жеке шығармашылық көрмесінің ашылу салтанаты өтті.

Біртуар талант иесінің суретшілік қырын кеңінен таныстыру, шығармашылығын насихаттау барысында ұйымдастырылған бұл шараға, қылқалам шеберінің 70-ке жуық туындысы қойылды.

Алтай мен Атырауға дейін қазақтың кең жазира даласын бейнелеген «Жерұйық» топтамасы, айдынды Ақжайыққа арналған пейзаждық туындылары, портреттер мен графикалық жұмыстары көрермен назарынан тыс қалмады.

Кеш барысында, жарық көрген кітаптары мен суретшінің шығармашылығынан сыр шертетін бейнеролик көрсетіліп, облыс әкімінің орынбасары Әлібек Нәутиев өнер иесін жеке көрмесінің ашылуымен құттықтады.

Сонымен қатар, ҚР мәдениет қайраткері Ханзада Сақыпова «Ән болып жаралдың» және «S-class» вокалдық ансамблі «Еділ мен Жайық» әндерімен шараның көркін келтірді.

Көрменің ашылуына облыстық басқармалар, мәдениет, білім беру мекемелерінің басшылары, облыстың құрметті азаматтары, қоғам қайраткерлері, суретшілер және студенттер қатысты.


 

Алтынай Сәлімгерейқызы,

Медиа-қызмет орталығының тілшісі


ПІКІРЛЕР

Тізімге қайта оралу

ҚҰТТЫҚТАЙМЫЗ!

26 Окт 2020 51