Спорт саласындағы «Жыл үздіктері-2017» номинация иегерлері анықталды
Алматыда қаласында 7 желтоқсан күні Қазақ Спорт және Туризм академиясында республикалық "Спорт жұлдыздары" журналы мен Қазақ Спорт және Туризм академиясының ұйымдастыруымен тұңғыш рет "Жыл үздіктері-2017" номинациясының жеңімпаздарын марапаттау салтанаты өтті.
Академия проректоры Мұхтар Есқалиев құттықтау сөзімен ашылған кеште құрметті қонақ болып келген қазақ спорт журналистикасының дарабозы Несіп Жүнісбаев, Ұлттық дене тəрбиесі орталығының бас директоры Садық Мұстафаев, Олимпиада чемпионы Ермахан Ибраимов, ережесіз жекпе-жектен 3 дүркін əлем чемпионы Қуат Найман, бокстан екі дүркін əлем чемпионы Назым Қызайбай, жекпе жектен əлем чемпионы Арман Əшімов жəне өнер жұлдыздары Марат Омаров, Бағлан Əбдіраймов, Зарина Омаровалар құттықтау сөз сөйлеп, үздіктерді марапаттады. Марапатталғандар арасында үздік облыс басқармасы, үздік спорт мектептері, үздік федерациялар, Жылдың үздік оқу орны, Үздік спорттық кафедра, Үздік паралимпиада спортшысы, үздік спортшылар мен бапкерлер жəне басқа да қазақ спортының дамуына үлес қосып жүрген азаматтар мен азаматшалар анықталды.
Аталмыш номинациялар арасында "Үздік спорттық кафедра" –Х.Досмұхамедов атындағы Атырау мемлекеттік университетінің «Дене шынықтыру және бастапқы әскери дайындық» кафедрасы деп танылса, «Жоғары оқу орнының үздік дене шынықтыру пәні мұғалімі» номинациясы бойынша - Х.Досмұхамедов атындағы Аатырау мемлекеттік университетінің «Дене шынықтыру және спорт» кафедрасының оқытушысы Рафаэль Хабиров иеленді. "Үздік паралимпиада спортшысы" номинациясы бойынша - университетіміздің «Дене шынықтыру және спорт» мамандығының III- курс студенті Ануар Сариев - деп танылып, «Жыл үздіктері – 2017» номинациясының жеңімпаздары болып атанды.
ПІКІРЛЕР