«Атырау университетінде көптілді білім берудің даму үдерісі» атты дөңгелек үстел өтті
2017 жылы 27 қарашада Атырау мемлекеттік университетінің стратегиялық жоспарлау және халықаралық байланыстар жөніндегі бірінші проректоры А.С.Шилібекованың қатысуымен және көптілді білім беру факультетінің ағылшын тілі оқытушыларының арасында «Атырау университетінде көптілді білім берудің даму үдерісі» атты дөңгелек үстел болып өтті.
Күн тәртібінде жоспарланғандай алғы сөзді А.С.Шилібекова алып, Атырау университетіндегі көптілді білім беру жүйесінің даму деңгейіне тоқталып, университет қабырғасында жасалып жатырған іс-шараларға өз кеңесін ұсынды.
Жаңашыл «English Only Space» жобасы бойынша ағылшын тілі оқытушылары арасынан алғыр да білікті мамандар іріктеліп, ағымдағы жылдың маусым айының 24 жұлдызымен шілде айының 7 жұлдызы аралығында А.С Шилібекованың бастауымен Ұлыбритания елі, Норвич қаласы NILE институтына Material Design (оқулық жазу, даярлау) атты тақырыпта екі апталық курсты тәмамдап келген топ мүшелерінің сан алуан тақырыптағы әр студияға арналған диалог тақырыптары мен қосымша тапсырмаларды жасақтау барысындағы мәселелері талқыланды. Сондай-ақ «English Only Space» студиясында өтетін келешек жұмыс жоспар барысы туралы сөз қозғалды.
Бүгінгі таңда Британ өкілеттілігімен жасақталып, жүзеге асып отырған жобалардың жүру барысы туралы К.Байнеева, Н.Абдрахманова сөз сөйлеп, тәжірибе алмасу мақсатында түрлі тақырыптарда студенттермен, оқытушылармен тренингтер, ашық сабақтар өткізілгенін баяндап өтті.
Қазіргі заман талабына сәйкес білім беру үдерісіндегі жаңашыл бағыт, яғни көптілді білім беру әр мамандық салаларында қарқын даму барысы туралы ой білдірген кафедра меңгерушілері А.Х.Хайржанова мен Э.Д.Абдол көптілді білім беру бағдарламасымен білім алатын топтармен жүргізілген тілді меңгерудегі бірқатар шаралармен бөлісті.
Дөңгелек үстел қатысушылары көптілді сауат ашу жолындағы қиыншылықтарға төтеп беру мәселелеріне өз ұсыныстарын айтып жүзеге асыру, нәтиже көрсету жолдарын іздестірді.
ПІКІРЛЕР