Тұңғыш Президент күніне арналған мерекелік шара
1 желтоқсан - Қазақстан Республикасының Тұңғыш Президенті күніне арналған «Елін сүйген, елі сүйген – Елбасы!» атты концерттік бағдарлама өтті.
Ашылу барысында Х.Досмұхамедов атындағы Атырау мемлекеттік университетінің ректоры, х.ғ.д., профессор Абзал Талтенов өз сөзінде Алтай мен Атыраудың арасын жайлаған ел, бөркін көкке көтеріп қуанған мереке мен шын жүректен құттықтады.
Бүкіл халық болып тойлайтын айтулы мерекеге арналған концерттің өтуіне университеттің профессор-оқытушылар құрамы мен студенттері куə болды.
Шараның құрметті қонағы – Қазақстан Республикасының Еңбек сіңірген əртісі, Мемлекеттік "Дарын" жастар сыйлығының лауреаты, күйші Айгүл Үлкенбаева сахнада алғы сөз сөйлеп, шəкірттерімен бірге қазақтың түрлі аспаптарының сүйемелдеуімен өз өнерлерін паш етті.
Кеш соңында Абзал Ахатұлы университетіміздің құрметті қонағы Айгүл Нариманқызына және шәкірттеріне ризашылығын білдіріп, университет логтипі салынған сыйлықтар табыс етті.
Малика Такежанова,
медиа- қызмет орталығының тілшісі
ПІКІРЛЕР