STЕМ бағдарламаларын дамыту

STЕМ бағдарламаларын дамыту

STЕМ бағдарламаларын дамыту

Атырау мемлекеттік университетінде «Заңғар» инновациялық білім беру жобасының аясында Халықаралық жастар қорының жергілікті серіктесі «Болашак Инжиниринг» компаниясының ұйымдастыруымен «Атыраудағы STЕМ бағдарламаларының орнықтылығы» атты конференциясы өтті.

SТЕМ-білім беру (ағыл. - ғылым, технологиялар, инженерия және математика) «Шеврон» компаниясы және Атырау облысының әкімдігімен серіктестікте Халықаралық жастар қорымен жүзеге асырылатын «Заңғар» жобасының екі негізгі бағыттарының бірі.

Конференция мақсаты - қалалық оқу орындарында SТЕМ-ді әрі қарай дамыту жолдарын талқылау және ұсыныстар негізінде жоспар жасау. Бүгінгі таңда Атырауда 2100- ден астам 10-22 жас аралығындағы мектеп оқушылары және колледждер мен жоғары оқу орындарының студенттері «Заңгар» жобасының SТЕМ-бағдарламалары бойынша тегін оқытудан өтті. Осы бағдарламаларды іске асыруға 20-дан астам жергілікті білім беру мекемесі қатысты. Жақында өткен «АSАR» I Республикалық форумда Атырау облысының әкімі Нұрлан Ноғаев атап өткендей, «Заңғар» жобасы мемлекет - бизнес - үкіметтік емес ұйым үшжақты ынтымақтастықтың үздік үлгісі болып табылады.

«2019 жылдың мамыр айына дейін біз 3500-ден астам Атырау жастарын «Заңғар» жобасының тегін SТЕМ бағдарламаларымен қамтуды, сондай-ақ, жоба аяқталғаннан соң SТЕМ -тренингтерін жалғастыруга дайын болатын жергілікті мектеп мұғалімдерінің ішінен 20-ға жуық тренерлерді даярлауды жоспарлап отырмыз. Сонымен қатар, конференцияның тақырыбы болған қалалық оқу орындарында SТЕМ бағдарламаларының тұрақтылығын қамтамасыз ететін қолайлы орта құру маңызды»- дейді, Халықаралық жастар қоры өкілдігінің бағдарлама менеджері Нұржан Аманғосов.

Іс-шараға мемлекеттік органдар өкілдері және «Заңғар» жобасы аясында Атырау SТЕМ -экожүйесіне кіретін оқу орындарының басшылары қатысады. Қатысушыларға аталмыш жоба бойынша SТЕМ - бағытының ағымдағы нәтижелері, сондай-ақ, SТЕМ саласындағы үздік әлемдік тәжірибелер үлгілері, соның ішінде «Bolashak Еngineering» компаниясының тәжірибесі ұсынылды. Жұмыс қорытындысы бойынша жергілікті білім беру ұйымдары тұрғысынан SТЕМ бағдарламаларының тұрақтылығын дамыту бойынша ұсынымдар әзірленеді.

Айта кетсек, «Заңғар» жобасы - «Шеврон» корпорациясы Атырау каласы жастарын дамыту бағдарламасының бір бөлігі болып табылады. Бұл төрт жылдық бастама кәсіби маңызды өмірлік дағдыларды дамыту бойынша оқытуды және ғылым, технология, инженерия және математика (SТЕМ) бойынша оқу бағдарламаларын біріктіреді. «Заңғар» жобасы Қазақстанда, соның ішінде, Атырауда 10-22 жас аралығындағы жастарды өмірде, оқуда және жұмысқа орналасуда табысқа жетуге жетелейді. «Заңғар» жобасы Атырау қоғамдастығын қолдап, білім беру орындарымен, жергілікті қоғамдық және іскерлік ұйымдармен бірігіп, әлеуетті дамытуда.

Алтынай Сәлімгерейқызы,
Медиа қызмет орталығының тілшісі


ПІКІРЛЕР

Тізімге қайта оралу

Қалалық маслихатта өткен ашық есік күні

21 Ноя 2019 12

Қазақстан Республикасының Президенті 2019 жыл "Жастар жылы" деп жариялаған болатын.

Экокампуста өткен дөңгелек үстел

21 Ноя 2019 12

Экология департаментінің ұйымдастыруымен Экокампусты дамыту бөлімінің қызметкерлері мен Х.Досмұхамедов атындағы Атырау мемлекеттік университетінің экология кафедрасының оқытушылары қаланың барлық супермаркеттерінің өкілдерін шақыруымен дөңгелек үстелге қатысты.

70 жылдық қарсаңындағы жүздесу

20 Ноя 2019 41

Бүгін университетімізде Аманкелді Кеңшілікұлы бастаған бірқатар өнер қайраткерлері қонақта болды. Айта кетейік, өңірімізде   RAHYMZHAN FEST атты Рахымжан Отарбаевтың ІІІ республикалық театр фестивалі өтуде. Фестивальге келген қонақтар Х.Досмұхамедов атындағы Атырау мемлекеттік университетіне арнайы ат басын бұрып, профессор-оқытушылармен, студенттермен кездесті. Аталмыш кездесу  қара шаңырағымыздың 70 жылдығына орай  «70 жылдыққа - 70 тұлғамен кездесу» шарасы аясында өтті.

Жаңашыл оқытушы

20 Ноя 2019 25

Х.Досмұхамедов атындағы Атырау мемлекеттік университеті «Бейнелеу өнер  және дизайн» кафедрасының аға оқытушысы, магистр Эльмира Жұмабаева әрқашан ізденгіштігімен, жаңа форматтағы сабақтар өткізуімен студенттер алдында беделге ие болған ұстаз.

Ирак Қасымұлымен кездесу өтті

20 Ноя 2019 44

Бүгін Х.Досмұхамедов атындағы Атырау мемлекеттік университетінде қара шаңырағымыздың 70 жылдығына орай  «70 жылдыққа -70 тұлғамен кездесу» аясында  ҚР Еңбек сіңірген заңгері, «Құрмет» орденінің иегері Елекеев Ирак Қасымұлымен кездесу  өтті. Кездесуге университетіміздің профессор-оқытушылары мен құқықтану мамандығында білім алушы студенттер қатысты.