«Өмірім маған өлең деген бір сый арнады...»

«Өмірім маған өлең деген бір сый арнады...»

Осы 2017 жылы республикалық жастардың әдеби-мәдени, қоғамдық-саяси журналы «Үркердің» жүрдек пойызы Х.Досмұхамедов атындағы Атырау мемлекеттік университетіне бет бұрып, өздерінің қыркүйек айындағы №10 (110) санын арнады.

Алғашқы бетінде «Журналистика» кафедрасының меңгерушісі, ф.ғ.к., профессор, ҚР Журналистер Одағы сыйлығының лауреаты, «Ерен еңбегі» төсбелгісінің иегері М.Т.Мұқашеваның «Қоғамның даму кілті-білімді жастардың қолында» атты мақаласымен басталып, аталмыш факультеттің бір топ талантты, болашағынан үміт күттірер бір топ студенттерінің поэзиялық және прозалық шығармалары жарияланған. Олар ІІ курс студенттері Ақтілек Абаева, Назым Жолдасова, Бимырза Әбілқайырдың, ІІІ курс студенттері Еркебұлан Зейнеденов, Аяулым Мырзабек, Әсем Қасымның өлеңдері мен ІІІ курс студенттері Әнел Маратованың «Жан азабы» мен ІҮ курс студенті Фархат Әбіловтың «Бір минутта бір сөз оқитын оқушы» тақырыбындағы туындылары жарық көрген. «Өмірім маған өлең деген бір сый арнады...» деп Әсем жырласа «Мен өнерсіз сүре алмаймын өмірді...» деген шешімді ойын жырмен өрнектеген Еркебұлан, «Бойымдағы өнерім - бар қаруым, Жақсылыққа жаратып шыңдай берем...» деп сырын ақтарды Ақтілек. Жалынды жастарымыздың болашағына үлкен үмітпен қарай отырып, киелі өнер өлкесіне жасаған қадамдарына сәттілік тіледік!

Жас талапкер студенттеріміздің шығармашылығы шыңдала берсін!

ПІКІРЛЕР

Тізімге қайта оралу

ҚҰТТЫҚТАЙМЫЗ!

23 Окт 2020 31