Спорт - бұл өмір, қозғалыс, денсаулық!
Осындай ұранмен университетімізде студенттер арасында дәстүрлі факультет аралық спартакиада өткізілді. Тұңғыш Президент күніне арналған сайыста студенттер мини-футбол, волейбол, баскетбол, үстел теннисі, шахмат, тоғызқұмалақ, арқан тарту, армрестлинг сынды спорт түрлерінен бақ сынады.
Әр факультеттен ұлдар және қыздар командалары құрылды.
Қазақстан Республикасының әнұранымен басталған спартакиаданың салтанатты ашылуында университетіміздің ректоры Абзал Талтенов спартакиаданың ашылуымен студенттерді құттықтап, белсенді спортпен айналысуға және салауатты өмір салтын ұстануға шақырып, жеңіс тіледі. Сондай-ақ дене тәрбиесі кафедрасының меңгерушісі Алпысбай Аралбаев құттықтау сөзін сөйлеп, сайысқа қатысушыларды таныстырды.
Спартакиаданың ашылу күнінде волейболдан жарыстың финалы өтті. Осы ойының нәтижесінде 3 орынды Жаратылыстану және ауылшаруашылық ғылымдар факультеті, 2 орынды Инновациялық білім беру факультеті, ал, 1 орынды Гуманитарлық ғылымдар және өнер факультетінің студенттері жеңіп алды.
Мини-футболдың қорынындысы бойынша ұлдар арасына 3 орынға Гуманитарлық ғылымдар және өнер факультеті, 2 орынға Жаратылыстану және ауылшаруашылық ғылымдар факультеті, 1 орынға Инновациялық білім беру факультетінің студенттері ие болды.
Қыздар арасында 3 орынды Жаратылыстану және ауылшаруашылық ғылымдар факультеті, 2 орынды Инновациялық білім беру факультеті, 1 орынды Гуманитарлық ғылымдар және өнер факультетінің студентері иеленді.
ПІКІРЛЕР