Болашақ журналистерге арналған жаңа бастама

Болашақ журналистерге арналған жаңа бастама

2017 жылы қарашаның 17-сі күні «Атырау-Ақпарат» медиасеріктестігі мен Х.Досмұхамедов атындағы Атырау мемлекеттік университеті басшыларының бірлесуімен журналистерге арналған медиа-мектеп ашылды.

Бұл игі бастама журналистика мамандығының студенттері үшін елеулі оқиға болды. Медиа-мектептің ашылуына орай «Атырау-Ақпарат» ЖШС директоры Б.Әбдешов және университет ректоры А.Талтенов, ардагер-журналист «Прикаспийская коммуна» газетінің бұрынғы редакторы Л.Монастырская, журналистика кафедрасының меңгерушісі М.Мұқашева сөз сөйлеп, жылы лебіздерін білдірді. Медиа-мектепте болашақ журналистер үшін танымал, тәжірибелі журналистердің шеберлік-сыныптары, семинарлар, тренингтер, конференциялар өтіп тұрады. «Журналистика» мамандығының студенттері редакцияда газет дайындау, шығару жұмыстарына қатысады. Сонымен қатар, Баязи Мәдешұлы ішкі саясат басқармасының қолдауымен студенттерге арналған ағылшын тілінен тегін курс жүргізілетінін хабарлап, бұл жоба – тәжірибелі де мықты маман дайындаудың бір жолы екенін атап өтті. Барлық жағынан қамтамасыз етілген бұл бағдарлама – өңір журналистикасының өрістеуіне оң әсер ететін бастама деп есептейміз. Шараға қатысқан студенттер ыстық ықыластарын айтып, қуаныштарымен бөлісті.


ПІКІРЛЕР

Тізімге қайта оралу

Үміткерлер арасында дебат өтті

26 Сен 2022 26

                      

Тәлімгерлік жоба тұжырымдамасы өз жұмысын бастады

26 Сен 2022 44