«Көкжалдар» фильмінің тұсауы кесілді

Х.Досмұхамедов атындағы Атырау мемлекеттік университетінде  режиссер Еркін Рақышевтың «Көкжалдар» фильмінің тұсауы кесілді. Фильм «Болашаққа бағдар: рухани жаңғыру» атты Елбасы Н.Ə.Назарбаевтың мақаласында көрсетілгендей ұлттық кодымызды жаңғырту жолында таптырмас  туынды.

Фильмнің түпкі басты мақсаты - көкбөріге телінетін қазақ болмысын сипаттау, қасқырдың текті мінезін негізге ала отырып, ұлттың бойына, жас ұрпақтың санасына сіңіріп, намысын ояту, рухын көтеру болып табылады. Шытырман оқиғаға толы фильм аңшының қасқырдың арланын атып алу сəтінен бастау алып, тірі қалған екінші бөрінің кек алу жолында аңшының үш айлық баласын ұрлап, асырап бағуымен өрбейді. 

Көрермендер "Көкжалдар" фильмінің көрсетілімін алдағы уақытта еліміздегі кинотеатрларда тамашалай алады. Басты рөлдерді Жандос Исаев, Ержан Жарылқасынов пен Арай Өмірова сомдаса, сценарийін Рамазан Құрманбаев пен Еркін Рақышев жазған.

«Мен ойлаймын, Рухани жаңғырудың басты мақсаты - ұлттың рухын көтеру. Осының аясында бұл фильм көкбөрінің мінезі арқылы ұлтымыздың рухын оятады деген сенімдеміз » дейді фильмнің қоюшы режиссері Еркін Рақышев.

 

Алтынай Сәлімгерейқызы,

медиа қызмет орталығының тілшісі


ПІКІРЛЕР

Тізімге қайта оралу

Құттықтаймыз!

17 Май 2022 37