Ақын Есенғали Раушановпен кездесу
Қазақтың танымал ақыны, Қазақстан Республикасы Мемлекеттік сыйлығының лауреаты, «Құрмет» орденінің иегері және халықаралық «Алаш» сыйлығының лауреаты Есенғали Раушановпен Х.Досмұxамедов атындағы Атырау мемлекеттік университетінің студенттерінің «Мен осынау жүрегіммен, жаныммен...» атты кездесу кеші өтті.
Жиынды университетіміздің проректоры Саламат Идрисов ашты.
Кездесу барысында ақын жастармен әсерлі әңгімелерін баяндап, тәжірибесімен бөлісті.
Студенттеріміздің бірқатары ақының өлеңдерін мәнерлеп оқыса, бірі ақынның сөзіне жазылған әндерді орындады. Ақын ағасын үлгі тұтатын студенттеріміз жылы лебіздерін білдіріп, өздерінің арнау өлеңдерін оқыды.
Кездесу соңында ақынға университет атынын сыйлықтар ұсынып, алғыс білдірді.
Алтынай СӘЛІМГЕРЕЙҚЫЗЫ
ПІКІРЛЕР