БАҚ өкілдері классикалық форматты қолдайды
«Бас редакторлар клубы» және «SUCCERSS K» стратегиялық байланыстар агенттігінің ұйымдастыруымен Алматы қаласында «Қазақстанның медиа кеңістігі: қазіргі заманғы шындық» атты дөңгелек үстел өтті.
Жиында фейктердің кеңінен таралуы, бұқаралық ақпарат құралдарындағы манипуляция, журналистік әдеп пен жауапкершілік сынды мәселелер кеңінен талқыланды.
Қазақстандық медиа саласының басшылары мен бас редакторлар клубының президенті ең жоғарғы редакторлық стандарттарды қайта жаңғыртып, редакциондық материалдарды тек қана классикалық үлгіде дайындау қажеттігін жеткізді.
Және де қатысушылар пікір бұрмалаушылық, саналы түрде жалған және қазір қоғамда белең алған шындыққа жанаспайтын ақпарат таратуға жол бермеудің жүйелік шараларын ұсынды.
Айта кетсек, мемлекеттік органдар мен жоғары оқу орындарының және қазақстандық медиа нарықтың өкілдері арасында өткен бұл іс-шараға университетімізден журналистика кафедрасының меңгерушісі Маншук Мукашева, медиа қызмет орталығының директоры Фархат Бижанов және медиа қызмет орталығының тілшісі Алтынай Сәлімгерейқызы қатысқан болатын.
ПІКІРЛЕР