11.11.2017 1984

Ағымдағы жылдың 30 қазанында қызым Насипкали Сағыныштың денсаулығын толық тексеруден өткізіп, оңалту ем-шараларын қабылдау үшін Ресейдің Санкт-Петербург қаласына жол жүруді жоспарлап отырмыз.

Осы ойымызды жүзеге асыру үшін қаржылай қиындық туындаған кезде "Сана" қоғамдық қоры қаржылай қолдау білдіру мақсатында қайырымдылық шара өткізуді қолға алды.Соған орай өткен аптада "Атырау" ойын-сауық орталығында орналасқан "Strike" боулинг орталығында боулингтен қайырымдылық ойыны ұйымдастырылды. Яғни боулинг ойынынан түскен қаржы Сағыныштың еміне көмек ретінде ұсынылды. Қайырымдылықты мақсат еткен боулинг ойынына жақсылыққа жаны жақын көптеген адам жиналды.  Олар бірнеше командаға бөлінді. Ойынға "Өрлеу", "Мұнайлы Астана", "Каспий өңірінің қазіргі замандағы колледжі", "Достар", "Семейное здоровье" "911", "Жігіттер","Дружба", "Жалынды жастар" командарының қатарында Х. Досмұхамедов атындағы Атырау мемлекеттік университеті қызметкерлерінен құралған "Университет" және "Медиацентр" атты екі команда қатысты. Осы орайда қайырымдылық шарасына қатысқан команда мүшелеріне ризашылығымды білдіре отырып, жақсы іске жанашыр болған Атырау мемлекеттік университеті қызметкерлеріне алғысымды білдіргім келеді. Əсіресе,  Гуманитарлық ғылымдар жəне өнер факультеті, халықаралық байланыстар бөлімі, медиа орталық қызметкерлеріне ілтипатымды жеткізгім келеді. Жасаған жақсылықтарыңыз еселеп оралсын деген тілегімді жеткіземін.

Арайлым БАҒЫТЖАН

Тізімге қайта оралу