Kidsuniversity - болашаққа бастар жол!

Kidsuniversity - болашаққа бастар жол!

Kidsuniversity - болашаққа бастар жол!

Осы жылдың наурыз айында басталған бұл жоба көптеген оқушы балалардың дарындылығын анықтауға, қолдауға және дамытуға арналған үлкен жоба болып табылады.

Балалар университетіне келген әрбір кішкентай бүлдіршіндердің ғылымға қызығушылықтарын ынталандыратын, ғылыми білімдерін танымал етуге, танымдық белсенділіктерін дамытуға және балалардың шығармашылық әлеуетін көтеру мақсатында осы күнге дейін бірнеше ауқымды шаралар өткізіліп келеді.

Күні кеше ғана өткен бұл жобаның «Күзгі маусымы» да өз мәресіне жетті. Әр баланың көңіліндегі қуаныштары мен ата-аналарының шексіз ризашылықтары көңілге қуаныш ұялатқандай. Балаларының бақытынан асқан не бар? Балалары қуанса, ата-аналары екі есе қуанады.

Оқу мерзімі басталғалы түрлі оқу тәжірибелерімен таныстырып, бөлісіп, оқытып жүрген бұл топтың еңбегі орасан зор. Әр күнді таңғы көтеріңкі көңіл-күймен қарсы алып, студенттермен ғана жұмыс жасап үйренген ұстаздарымыз, алдарына келген сәби, әлі ойын баласы болып табылатын мектеп оқушыларына да құшақтарын кең жая, әр баланың мінез-құлқын терең түсіне жүріп, ұстазда, анада, доста бола білді. Бұл, ұжымның үлкен жетістігі. Бір апталық оқу мерзімін аяқтаған кішкентай студенттерімізге университет акт залында салтанатты түрде ДИПЛОМ табыстау рәсімі болды. Ардагер ұстаздар мен профессор - оқытушылардың ақ тілектері мен баталарын алған бүлдіршіндер де, олардың ата-аналарыда өте көңілді күнді бастан кешірді. Марапаттау соңын концерттік бағдарламаға ұластырған кішкентай студенттеріміздің бір аптада алған білімдерінің қорытындысы бойынша ғылыми жобаларын сәтті қорғап, ән-жырымен қоса, биден де шашу шашып, ертегілер еліне саяхатта жасалды.


 

Арайлым ЖАҢБЫРБАЙҚЫЗЫ


ПІКІРЛЕР

Тізімге қайта оралу

Шетелдік ғалым дәріс оқуда

13 Ноя 2019 29

    Х.Досмұхамедов атындағы Атырау мемлекеттік университетінің "Химия және химиялық технологиялар" кафедрасында шетелдік ғалымдарды шақыру бағдарламасы бойынша ғалым, қауымдастырылған профессор, ғылыми-техникалық қолданбалы орталықтың PhD докторы Артвина Коруха өз жұмысын бастады.

Мәңгілік ел жастары – индустрияға!

13 Ноя 2019 31

Бүгін университетімізде ҚР Ақпарат және қоғамдық даму министрлігінің тапсырысымен Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы Жастар жылына арналған әлеуметтік жобасы аясында «Мәңгілік ел жастары - индустрияға» («Серпін») жобасы шеңберінде студенттермен кездесу өтті.

Әділетті жеңісімен құттықтаймыз!

13 Ноя 2019 16

Аталмыш шара жастар жылы аясында "Азаматтық бастамаларды қолдау орталығы" КЕАҚ-ның гранттық жобасы қолдауымен Атырау облысы Жоғарғы оқу орындары арасында Жастар ісі жөніндегі комитет басшыларының арасында өткен болатын.
Әділетті жеңісімен құттықтап, республикалық  конкурста сәттілік тілейміз.

Ерлан ерледі

12 Ноя 2019 36

Таяуда Ақтау қаласында  Yessenov University ұйымдастыруымен Жастар жылы аясында Қазақстан мұнайының 120 жылдығына арналған «Университет – ой-пікірлер аймағы» Yessenov Forum өтті.  Аталмыш шараға Х.Досмұхамедов атындағы Атырау мемлекеттік университетінен тарих мамандығының 4-курс студенті Баймағамбетов Ерлан қатысып, осы форум аясында өткен ғылыми-тәжірибелік конференцияда «Рухани жаңғыру бағдарламасы – тапсырмаларды шешуге арналған жаңа бағыт» секциясы бойынша жүлделі І орынды иеленді.

Сүндет Байғожин шеберлігімен бөлісті

12 Ноя 2019 25

9-шы қараша күні Х.Досмұхамедов атындағы Атырау мемлекеттік университетінде  ҚР еңбек сіңірген қайраткері, Құрмет орденінің иегері, Астана Опера тетарының жетекші әншісі Сүндет Байғожин Музыка және өнер кафедрасының студенттері мен вокал оқытушыларына арналған шеберлік сыныбын өткізді.