Димаштың ұстазынан дәріс алдық

Жуырда Халел Досмұхамедов атындағы Атырау мемлекеттік университетіне әнші, академиялық вокалдан тәлімгер Марат Олжабайұлы Айтимов келген болатын.Елімізге ғана емес әлемге аты танылған Димаш Құдайбергеновтей дарындарға дәріс берген ұстаз өзінің көп жылдық тәжірибесі мен білімін «Музыка және өнер» кафедрасының студенттерімен бөлісті.

Атақты тәлімгердің атыраулық жастарғаарнайы шеберлік сыныптарын өткізуі біз үшін музыкалық білімімізді жетілдіруге үлкен мүмкіндік болды. Республикаға танымал Нұрболат Абдуллин,Ерке Есмахан,Аманқос Ұзақбайұлы сияқты әнші жұлдыздарды және де миллиард халқы бар Қытайды өз дауысымен мойындатқан Димаш Құдайбергеновтәлім алған ұстазы Марат ағай аз күннің ішінде әр студентпен тіл табыса біліп, 2 апта бойы күн сайын 7-8 сағаттан шаршамастан вокал өнерінің қыр-сырын талдап, білім нәрімен сусындатты. Шебердің әр сабағы қызық әрі тың, пайдалы мәліметтерге толы болды.Тек вокалдан ғана емес, сольфеджио мен теория пәндерінен де біліміміз толыға түсті. Академиялық ұтқырлық бағдарламасы аясында бізге мол мүмкіндіктерді жасаған университет ректоры Абхал Талтенов мырзаға, кафедра меңгерушісі Бақыт Жолдыбайқызына алғысымыз шексіз. Марат Айтимовтен сабақ алғанымыз біз үшін,біздің факультет үшін үлкен мәртебе. Рахмет Сізге, Марат Олжабайұлы!


ПІКІРЛЕР

Тізімге қайта оралу

Құттықтаймыз!

17 Май 2022 37