Әбіш оқулары...
Қазақстан Республикасының халық жазушысы, мемлекет және қоғам қайраткері Әбіш Кекілбаев шығармаларын оқып үйрену мақсатында Көптілді білім беру факультеті студенттер арасында «ІІ Әбіш оқулары» атты сайыс ұйымдастырылды.
Байқауда 20-ға жуық студент поэзия, проза және арнау номинациялары бойынша бақ сынады. Қатысушыларға филология ғылымдарының докторы, профессор Қадыр Жүсіп, филология ғылымдарының кандидаты, профессор Айсұлу Садықова және қазақ тілі мен әдебиеті мамандығының аға оқытушысы Жұмазия Махимова төрелік етті.
Қазылар алқасының шешіміменен ІІІ орынды поэзия номинациясы бойынша Аманжан Сағынғалиев, проза номинациясын Мөлдір Елеуова, арнау бойынша Нұртай Найшев марапатталды.
ІІ орынды поэзия номинациясы бойынша Бекарыс Закария, проза номинациясын Нұрданбек Ізбасаров, арнау бойынша Рамазан Серікқалиев иемденді.
Поэзия номинациясы бойынша Әлихан Ералыұлы, проза номинациясын Заманбек Шакиров, арнау бойынша Бақыт Орынбасаров І орынға ие болды. Және де сайыстың қатысушыларына алғыс хаттар табысталып, асыл қазынаның бірі кітаптар сыйға берілді.
Екінші мәрте ұйымдастырылып отырған бұл байқауды, алдағы уақытта дәстүрлі түрде өткізу жоспарлануда.
Алтынай Сәлімгерейқызы
ПІКІРЛЕР