Жүйріктер айтыста бақ сынасты
Қазан айының 25 жұлдызында Махамбет ауданында Бала Ораз Өтебайұлының 180 жылдығына орай “Мен бабында жүрген жүйрікпін» тақырыбында ақындар айтысы өтті.
Сайыста 16 үміткер бақ сынады. Шалқарбай Ізбасаров, Серікбол Панабердиев, Өнербек Дәулекенов сынды жүйріктер де айтыс өнерінің көркін аша түсті. Бұл өнер додасында біреулердің бағы жанса, енді біреулердің бабы шапқан болатын. Ал, әділ қазылар алқасына келер болсақ Жәниба Қарасаева, Бақтыгүл Бабаш, Әлия Даулетбаева сынды төрешілер айтысты әділ бағалап отырды. Бас жүлде Махамбет ауданының ақыны Серік Қойшығұловқа берілді. Жүлделі 1-ші орынды Орынбек Дәулекеновке берілсе, 2-ші орында Х.Досмұхамедов атындағы Атырау мемлекеттік университетінің, Журналистика мамандығының 2 курс студенті Әбілқайыр Бимырза үздік деп танылды. 3- орын журналист әрі ақын Жәнібек Садыров пен Кіші өнер академиясының 11 сынып оқушысы Фариза Жетпісбаеваның қанжығасына бұйырды. Айтыс соңында жүлдегерлер алғыс хаттар мен марапаттауларға ие болды.
ПІКІРЛЕР