Дәстүрлі мерекелік кеш

Дәстүрлі мерекелік кеш

Ағымдағы жылдың 27 қазан күні Х.Досмұхамедов атындағы Атырау мемлекеттік  университеті үшін аса жарқын күн болды. Олай дейтін себебім, 2017 жылы университет табалдырығын алғаш аттаған 1-курс студенттерін салтанатты түрде студенттік қатарға қабылдау кеші өтті.

Бұл біздің университет үшін сағындырып жететін әсерлі кеш. Себебі бұл киелі қара шаңырағымыздың 70 жылға жуық тарихында жыл сайын өтетін мағынасы терең әрі ауқымды шара. Аталмыш мерекелік шарада университетіміз мыңдаған түлектерді құшақ жая қарсы алып, арман сапарына жол ашады.

Концерттік бағдарламаның шымылдығын ашу үшін Х.Досмұхамедов атындағы Атырау мемлекеттік университетінің ректоры, х.ғ.д., профессор Талтенов Абзал Ахатұлының алғы сөзіне кезек ұсынылды. Биылғы студенттер қатарына қабылдау кешінің басты ерекшелігі: Республика бойынша жоғары оқу орындарының ректорларының қатысуымен, сонымен қатар, қазақ эстрадасының жарық жұлдыздары Бейбіт Қорған, Дана Кентай, Заман және NN-bek топтарының қатысуымен ұйымдастырылды. Сондай-ақ «Томирис» би тобы мен «АВС crew» тобы студенттерді құттықтап, өз өнерлерін паш етті. Мерекелік концерт барысында арнайы флешмоб биленіп, студенттің төлқұжаты іспетті студенттік билетті тапсыру рәсімі салтанатты түрде өтті. Мұндай концертке алғаш қатынасып отырған студенттердің көтеріңкі көңіл күйі, шара барысындағы факультеттердің белсенділігімен көрінді.

«Бұл киелі шаңырақ көптеген ұлы тұлғаларды түлеп ұшырған орда. Сондықтан бүгінгі студенттердің арасынан да сол кісілердей азамат пен азаматша боларына сенеміз. Еліміздің дамуына үлес қосыңыздар. Ол үшін терең білім алып, талмай еңбек етіңіздер. Осы концертте жастар үшін арнайы ән орындап, би билеп, бірге көңіл көтердік. Сіздерді студент атануларыңызбен шын жүректен құттықтаймын!»,-деген болатын Бейбіт Қорған бізге берген сұхбатында.

 

Малика ТАКЕЖАНОВА,

медиа-қызмет орталығының тілшісі

ПІКІРЛЕР

Тізімге қайта оралу

«Тәуелсіздік және рухани жаңғыру»

11 Дек 2019 17

Бүгін 16 желтоқсан Тәуелсіздік күніне орай  гуманитарлық ғылымдар және өнер факультетінің, әлеуметтік-гуманитарлық пәндер кафедрасының аға-оқытушысы Ертелеева Роза Бекесовнаның ұйымдастыруымен «Тәуелсіздік және рухани жаңғыру» тақырыбында шара өтті.

Дзюдодан ашық турнир өтті

9 Дек 2019 51

Х.Досмұхамедов атындағы Атырау мемлекеттік университетінде  дзюдодан республикалық турнир өтті.

SWAPTEL ашық есік күні

6 Дек 2019 8

2019 жылдың 5 желтоқсанында Х.Досмұхамедов атындағы Атырау мемлекеттік университетінде SWAPTEL зертханасының ашық есік күні өтті.

«Болашағым өз қолымда!»

6 Дек 2019 24

Университетімізде «Болашағым өз қолымда!» тақырыбында жетім балалардың болашақта армандайтын мамандықтары бойынша бір күндік экскурсия өтті.

Спартакиада жеңімпаздары анықталды

5 Дек 2019 58

Х.Досмұхамедов атындағы Атырау мемлекеттік университетінің құрылғанына 70 жыл толуына орай студенттер арасында ұйымдастырылыған факультетаралық спартакиада өз мәресіне жетті.