Идеяға толы ректорлар саммиті
Х.Досмұхамедов атындағы Атырау мемлекеттік университетінде «Жоғары білім беру саласындағы жобалық менеджмент» атты Каспий маңы елдері мемлекеттік университеттерінің ректорларының саммиті өтті.
Ректорлар жиынының мақсаты ЖОО басқарудағы жобалық менеджмент жөнінде ақпараттар және тәжірибемен алмасу, жаңа көзқарас қалыптастырып, пікірталастық алаңға айналдыру.
Мемлекеттік университтердің басшылары өзіндік идеялық жобаларын таныстыруда баяндамаларын оқыды. Оның негізгі мақсаты университеттің стратегиялық дамуындағы жобалық мменеджменттің рөлін айқындап, ЖОО басқарудағы қағидаларды түсіндіріп, Ассоциация төңірегінде бірлескен жобаларды анықтау.
Бас қосу барысында шетелдік ректорлар өз университеттерінің жеткен жетістігін, қазіргі жүзеге асып жатқан жобаларды, болашақтағы мықты идеяларын көрнекілеп таныстырды. Ректорлар үшін саммиттің ең тиімді тұсы бұл – олардың өз ұйымдарындағы жобалық менеджментті қолданудың тиімді тәсілдері мен өзіндік ой-пікір, идея мен тәжірибелерімен бөлісуі еді. Мұндағы талқыланған жобалар ғылым мен білім, халықаралық ынтымақтастық пен инновацияларды дамыту салаларындағы негізгі ұсыныстар болды.
Малика ТАКЕЖАНОВА,
медиа-қызмет орталығының тілшісі
ПІКІРЛЕР