Парсы тілін меңгеруге тамаша мүмкіндік
Пленарлық мәжілістен соң, Х.Досмұхамедов атындағы Атырау мемлекеттік университетінде Иран мәдениеті мен тілі орталығы ашылды.
Университетіміздің бірінші проректоры Айгерім Шилібекова өз сөзінде ректор Абзал Талтенов пен Мазандаран университетінің ректоры Сеид Халлах Мирниаға орталықтың ашылуына жағдай жасағаны үшін алғысын айтып, бұл орталық тек қана екі университеттің ғана емес, сондай-ақ, Каспий теңізімен біріккен екі елдің ынтымақтастығын да бейнелейді – дейді.
Мазандаран университетінің ректоры Сейид Халах Мирни Иран мәдениетін дамытуға арналған осындай мүмкіндік үшін Абзал Талтеновке алғысын білдірді. «Қазақстан мен Иран тарихы көптеген ортақ нәрсеге ие және біз тереңірек зерттеуіміз керек. Елдер бір-бірінен алыс болғанына қарамастан, Каспий теңізің арқасында біз бір-бірімізбен туыс ретінде кездесуге мүмкіндік алдық », - дейді.
Бұл орталықтың мақсаты студенттеріміздің парсы тілін меңгеруге жағдай жасау. Алдағы уақытта жастарды оқытатын арнайы маман Иранның жоғары оқу орындарының бірінен шақыртылмақ.
Алтынай Сәлімгерейқызы,
медиа-қызмет орталығының тілшісі
Фотограф Құдияр Данияров
ПІКІРЛЕР