Хас шебермен кездесу өтті

Қазанның 19 жұлдызында «Журналистика» кафедрасының ұйымдастыруымен журналистика мамандығының студенттері жергілікті танымал фототілші, Атырау энергетика кешені баспасөз қызметінің маманы Аман Мутигуллинмен кездесті.

«Фотожурналистикадағы кәсіби шеберлік» атты тақырыбында өткен шеберлік сыныбында ол өзінің кәсіби біліктілігімен бөлісті. Шығармашылық жолында «Прикаспийская коммуна» және «Ақ жайық» газеттерінде қызмет еткен. Фототілшілік бағыт елімізде аз дамығандықтан, осы өнердің қыр-сырымен таныстыру, насихаттау мақсатында келген А.Мутигуллин «Фотографияның өнер екеніне ешкімнің таласы жоқ. Қылқалам шеберлері туындылары сияқты ол да өнер, маңызы үлкен. Тарихтың бір көрінісін болашаққа қалдырады», - деді. Кеш барысында кейіпкеріміз өзінің түсірген суреттерін көрсетіп, өзінің тәжірибесімен бөлісті. Студенттер өз ісінің шебері болған А.Мутигуллинге сан түрлі сауалдарын жолдап, жауап алды. Фотоға түсірудің қыр-сырына қанықты. Кеш соңында осы шараны ұйымдастыруға мұрындық болған журналистика кафедрасының меңгерушісі М.Мукашева қонақтарға алғыс-тілегін білдірді. Фототілші болуды қалайтын студенттер бұл кездесуден әдемі әсер алып, хас шебермен сұхбаттасудың өзі бір мәртебе деп тарқасты. 

ПІКІРЛЕР

Тізімге қайта оралу

Феномен

11 Май 2021 42