Шетелдіктер сырға толы Сарайшықта...

«Ақылдарды тоғыстырып, байланыстарды нығайту» атты Каспий маңы елдерінің мемлекеттік университеттері ассоциациясының XХ мерейлі Бас Ассамблеясына орай,  шет елден келген делегация мүшелеріне өлкеміздің  тарихын таныстыру мақсатында, қаламыздан  50 шақырым қашықтықта орналасқан жеті ханымыз жерленген, көне тарихи Сарайшық қаласына экскурсия ұйымдастырлды.

Экскурсия барысында, қонақтарымыз бірінші Хандар Пантеонына бас сұғып, ғимараттың  құрлысымен, жерленген хандар және  осы Жеті хан монументінің ортасында орналасқан «Әулие ағаш» туралы ақпараттарға қанық болды.

Одан соң мұражай ішінде шетелдіктерге Сарайшық қазбасынан табылған әрбір тарихи жәдігерлер таныстырылды.  Көне қаланың ХІV ғасырдағы келбетін  макеттен тамашалап, қаланың тұрмыс тіршілігі, шаруашылығы туралы көптеген қызықты ақпараттар алды.

Делегация мүшелері өздерін қызықтырған көптеген сұрақтарға жауап алып, тарих қойнауына бір сүңгіп қайтқандай болды. Осылайша Сарайшыққа сапар шетелдіктерді керемет әсерге бөледі. 

Алтынай Сәлімгерейқызы,
медиа-қызмет орталығының тілшісі

ПІКІРЛЕР

Тізімге қайта оралу

Үміткерлер арасында дебат өтті

26 Сен 2022 26

                      

Тәлімгерлік жоба тұжырымдамасы өз жұмысын бастады

26 Сен 2022 44