«Стандарттау – инновацияларды енгізу үшін қолайлы ортаны қалыптастырудың кепілі»
Х.Досмұхамедов атындағы Атырау мемлекеттік университетінің «Физика, математика және ақпараттық технологиялар» факультетінің «Физика және техникалық пәндер» кафедрасының ұйымдастыруымен «Стандарттау – инновацияларды енгізу үшін қолайлы ортаны қалыптастырудың кепілі» атты дөңгелек үстел өтті.
Бұл жиынның мақсаты – студенттермен стандарттау, метрология және сертификаттау саласында қызмет ететін мамандармен «Бүкіләлемдік стандарттар күні» мерекесін атап өту.
Іс-шараға «Ұлттық стандарттау және сертификаттау орталығы» АҚ Атырау облысы бойынша филиалы, Техникалық реттеу және метрология комитетінің Атырау облысы бойынша департаменті, «Қазақстан стандарттау және сертификаттау институты» РМК Атырау филиалы өкілдері сонымен қатар, профессор-оқытушылар құрамы мен студенттер қатынасқан болатын.
Физика және техникалық пәндер кафедрасының аға оқытушысы, магистр Ж.Салыкбаева дөңгелек үстелді жүргізушісі ретінде 14 қазан «Бүкіләлемдік стандарттар күні» мерекесімен құттықтап, сөз кезегін факультет деканы, тех.ғ.д., профессор Б.Кенжеғұловқа жолдады.
Физика және техникалық пәндер кафедрасының меңгерушісі, п.ғ.к., доцент, Ш.Сырбаеваға сөз берілді.
Дөңгелек үстел барысында күн тәртібіне сәйкес баяндамалар оқылды:
- ҚР «Кеден одағының техникалық регламенті» - Физика және техникалық пәндер кафедрасының аға оқытушысы Лес Қонысбаевич;
- «Стандарттау саласындағы мемлекеттік бақылау» - Техникалық реттеу және метрология комитетінің Атырау облысы бойынша департаментінің басшысы Камешова Салтанат Газизовна;
- «Стандарттау саласындағы SMART CITY» - «Қазақстан стандарттау және сертификаттау институты» РМК Атырау филиалының директоры Дю Надежда Ивановна ;
- «Стандарттау болашаққа жол нұсқайды» - 5В073200 - Стандарттау, сертификаттау және метрология мамандығының 4 курс студенті М.Арстанова;
Іс-шарада «Smart емхана», «Smart мектеп» (қол жеткізуді бақылау және басқару жүйесі, бейнебақылау, e-асхана, е-кітапхана және жеке кабинет), «Smart көшеге жарық түсіру», «Smart payments» (тұтынушының барлық төлемдерін төлеуге арналған бір шот құру), бірыңғай көліктік төлем карта, инновациялық паркоматтар, құқық бұзушылықтарды сандық мониторингтеу, барлық қызметтерді әмбебап банк карточкасымен және кәдімгі смартфонмен төлеуге мүмкіндік беретін ұялы төлемдер технологиясы, «ақылды» бағдаршам және т.б. жобалар туралы айтылды.
ПІКІРЛЕР