Халықаралық суретшілер симпозиумы
Кеше Халел Досмұхамедов атындағы Атырау мемлекеттік университетінде, Атырау қаласы күніне орай ұйымдастырылған «Сұлулық әлемді құтқарады» атты халықаралық суретшілер симпозиумының ашылу салтанаты болып өтті.
Халықаралық симпозиумда Ресей, Түркия, Қырғызстан, Өзбекстан, Қытай елінен 23 суретшілер мен белгілі қоғам қайраткерлері бас қосты. Жиынның алғашқы сөз кезегін университетіміздің бірінші проректор - Стратегиялық жоспарлау және халықаралық байланыстар жөніндегі проректоры Айгерім Шилібекова құттықтау сөзін сөйлеп, университет тарихымен жоспарларын баяндады. Одан әрімен сөз кезегін Атырау облысы әкімінің орынбасары мен шетелден келген қонақтар құттықтау сөздерін айтып, ризашылықтарын білдірді.
«Ұйымдастырылып отырған халықаралық суретшілер симпозиумы Елбасының «Болашаққа бағдар рухани жаңғыру» бағдарламасы аясында жүзеге асырылып отырған ауқымды шараларымыздың бірегейі. Басқосудағы басты мақсатымыз, көне Сарайшық, кешегі Гурев, бүгінгі Атырау болып өркендеген өңірдің осынау айшықты келбетін көрсету. Сонымен қатар, тек қаламыздың ғана емес қазақ елінің мәдениеті мен өнері, әлеуметтік - экономикалық дамуы, рухани байуын суретшілердің қылқаламы арқылы жеткізу»- дейді Атырау қалалық тілдерді дамыту бөлімінің басшысы Ақылбек Рысқалиев.
Айта кетсек, осы шара аясында студенттермен жас талантты тұлғалармен шеберлік сыныптары ұйымдастырылып, 3 күн бойы суретшілеріміз қаламыздың көрікті жерлерін бейнелейді.
Алтынай СӘЛІМГЕРЕЙҚЫЗЫ,
медиа-қызмет тілшісі
Құдияр ДАНИЯРОВ
медиа-қызмет фотографы
ПІКІРЛЕР