Қарттарым - асыл қазынам!
Халықаралық қарттар күніне орай Х.Досмұхамедов атындағы Атырау мемлекеттік университетінің «Журналистика» кафедрасының оқытушылары және «Жалын» жас журналистер ұйымының жетекшісі Н.Нұрланова журналистика мамандығының белсенді студенттерінің ұйымдастыруымен қарттар үйіне мерекемен құттықтап барды.
Шараның мақсаты - қазыналы қарттарымыздың хал-ахуалымен танысып, көңілдерін көтеру. «Атырау облыстық қарттар мен мүгедектерге арналған интернат үйі» мемлекеттік мекемесінің тұрғындарына концерттік бағдарлама ұсынылды. Шара барысында көркем сөз оқылып, қыз бен жігіттің айтысы ұйымдыстырылды. Студенттер концертті тамашалауға келген қарияларымызға сыйлықтарын ұсынды. Мерекелік кештің соңы көңілді биге жалғасып, ата - әжелеріміздің ақ батасы мен алғыс сөздерімен аяқталды.
«Атырау облыстық қарттар мен мүгедектерге арналған интернат үйі» мемлекеттік мекемесінің қызметкері Нұрша Ахметова студенттерге ыстық ықыласын білдіріп, тек мерекеде ғана емес аптаның әр күнінде қарттар мен жүздесіп, олармен әңгімелесіп, шахмат ойынын ойнауға шақырды.
Жарқынай ҚАНАТОВА,
Журналистика мамандығының
2 курс студенті
ПІКІРЛЕР